“Men ony qyzǵanbaımyn”. Nazarbaev Áblázov týraly aıtty

/image/2020/12/02/crop-74_707_1293x1724_3ba86943-4a72-4037-99f9-fd1c60868db7.jpeg

Qazaqstannyń tuńǵysh prezıdenti Nursultan Nazarbaev eks-bankır Muhtar Áblázovqa qatysty pikir bildirdi. Bul týraly ol "Shtrıhı k portretý" derekti fılminde aıtty. 

– Máselen, Áblázov satqyn emes pe? Men ony jas kezinde energetıka mınıstri qyzmetine taǵaıyndadym. Al ol urlyq jasady. Túrmege otyrǵyzdyq. Sol jerden talaı ret keshirýimdi ótinip týystary men dostary hat jazdy, – deıdi ol. 

Onyń aıtýynsha, birshama ýaqyttan keıin Muhtar Áblázovqa raqymshylyq jasalyp, túrmeden shyǵarylǵan. 

– Ol áli de túrmede otyra berýshi edi. Biraq ol túrmeden shyqqannan keıin bank basshylyǵyna qaıtadan oralýdy surandy. Al ol ne istedi? 7,5 mıllıard dollardy urlap ketti. Endi sol qarjyǵa 15 jyl batysta turyp jatyr. Budan basqa qandaı aqshaǵa kún kóredi ol? Ol jaqta jumys istep júrgen joq. Jalaqy da almaıdy. Onyń bári halyqtyń aqshasy.

Memleket adamdardyń aqshasyn qaıtaryp berdi. Áli kúnge deıin sol aqshany izdep jatyrmyz. Birtindep biz mıllıardty qaıtarýdamyz.

Ásirese qazaqtyń balasyna shetelde ómir súrý ońaı emes. Qazaq "ózge elde sultan bolǵansha, óz elińde ultan bol" dep beker aıtpaǵan.

Jaraıdy, shetelde 10 ret meıramhanaǵa bararsyń, qymbat kostúm de kıersiń, gambýrgerdi toıǵansha jersiń. Biraq onyń bári bóten nárse ǵoı. Týǵan jerińe, týǵan elińe jetpeıdi.

Árıne men ony qyzǵanbaımyn. Biraq bulaı bolǵany óte ókinishti.  Ol jaqsy jumys istese, Otanyna paıdasyn tıgizer edi. Biraq qashqyn bolyp shyqty, – dep atap ótti Nazarbaev.

Qatysty Maqalalar