Belgili jýrnalıs jáne saıasatker Ermurat Bapı aıtysker aqyn Rınat Zaıtovtyń "Azamattyq pikir" baǵdarlamasynyń qonaǵy bolyp jýrnalıs Ońǵar Qabdenniń "JSDP partıasy satyldy ma?" degen suraǵyna jaýap berdi.

Ermurat Bapı bul suraqqa 2019 jyldyń qyrkúıeginen beri jaýap berip kele jatqanyn, bul baǵdarlamadan soń osy taqyryp týraly aıtpaıtynyn málimdedi. 

– Negizinde JSDP satylǵan joq. Men ol partıany ótken jyly sáýir aıynda qabyldap alǵan kezde Jarmahan Tuıaqbaı partıaǵa qaryz boldy. Men osy jerde birinshi ret aıtaıyn Jarmahan Tuıaqbaı partıa úshin óz týysynan qaryz alǵan. Partıanyń áldebir shyǵyndaryn jabýǵa. Ony bere almaı keldi.Partıa meniń qolyma ótkende sol týysqany kelip "aqsha qaıda?" deıdi ǵoı. Ol 200 myń dollar qaryz bolǵan. Sol qaryzdy men moınyma aldym. Men ózi partıanyń sol kezdegi áriptesteri Ákejan Qajygeldın men Bergeı Rysqalıev, basqa azamattar bar, ishinde Serikjan Mámbetalın bar bárimen aqyldastym. Olar aıtty "200 myń tabamyz, partıany al" dep. Jarmahan partıany tek qana maǵan beremin degen. Bul men keremet bolǵannan emes, "tazasyń, adalsyń" degen soń. Keıin partıa resmı maǵan ótti, qaryzy da maǵan ótti. Men jańaǵy týysqanyna qolhat jazyp berdim, partıa ary qaraı jumys istep ketti. 100 myń qaryz qaıtaryldy. Qalǵanyn áriptes Bergeı Rysqalıev sozbaqtap júrip aldy. Odan sıez keldi, tóńkeris boldy. Meni partıadan shyǵaryp tastady. Tóńkeristiń bir jaǵy Bergeı men Kárim Másimovtyń arasyndaǵy arsyz ymyra. Halyqtyń múddesin satyp ketken ymyra,- deıdi saıasatker.

Suqbattyń tolyq nusqasyn tómendegi vıdeodan kóre alasyz↓