Demalys kúnderi Jas-Qanat yqsham aýdanynda 250 aǵash otyrǵyzyldy.
Túrksib aýdanynyń ákimi Baqytjan Aqjarov demalys kúnderi Jas-Qanat shaǵyn aýdanynda 250-ge jýyq aǵash otyrǵyzylǵanyn málimdedi. Sondaı-aq kópbalaly otbasylardyń atsalysýymen «Baqytty otbasy» aleıasy paıda bolǵan.
"Ortalyqtyń qamqorlyǵyndaǵylar kóktem kezinde Naýryz meıramyna jáne kúz kezinde 31 qazanda jyl saıyn osynda gúlder men aǵashtar otyrǵyzý týraly sheshim qabyldady. Bolashaqta shaǵyn aýdannyń balabaqshasynyń artyndaǵy bos oryndy tolyqqandy saıabaqqa aınaldyrý josparda bar", - dedi aýdan ákimi.
Jalpy, maýsym bastalǵannan beri aýdan boıynsha 9500 jas aǵash otyrǵyzylǵan, jyl sońyna deıin taǵy 33 000-nan astam aǵash otyrǵyzý josparlanýda. Qazirgi ýaqytta Kishi Almaty, Basqarasý jáne Esentaı ózenderinde, Jas Qanat, Álmerek jáne Maıak shaǵyn aýdandarynda, sondaı-aq №198 mektep aýlasynda kógaldandyrý jumystary júrgizilýde.
Pikir qaldyrý