Elimizde «Abaıdyń murasy – adamzat qazynasy» atty áleýmettik rolıkter men qysqametrajdy fılmder festıvali ótedi, dep habarlaıdy Almaty.tv.

Mádenı is-shara qazaqtyń oıshyly Abaı Qunanbaıulynyń murasyn nasıhattaýǵa jáne halyqtyń mádenı jáne rýhanı deńgeıin arttyrýǵa baǵyttalǵan. Baıqaýǵa kelip túsken ótinimderdiń barlyǵy iriktelip aqtyq synǵa 30 fılm jiberilgen. Konkýrs qatysýshylarynyń arasynan úzdik týyndylardyń avtorlary on nomınasıa boıynsha marapatqa ıe bolady. Festıváldy 7-10 qarasha aralyǵynda saǵat keshki 18:00 ekranda kórsetilgen silteme boıynsha tamashalaýǵa bolady. Baıqaýǵa abaıtanýshy ǵalymdar men Qazaqstannyń eńbek sińirgen qaıratkerlerinen quralǵan ádilqazylar alqasy tórelik etedi.

«Abaıdyń qara sózderine arnalǵan, jalpy Abaıdyń ómiri men shyǵarmashylyǵyna arnalǵan fılmder barshylyq. Biraq osy Abaıdyń qara sózderi, Abaıdyń shyǵarmashylyǵymen baılanysty festıvaldiń ótýi shyn máninde alǵash ret dep oılaımyn, – dedi Qazaqstan kınematografıster odaǵynyń múshesi, ónertaný ǵylymdarynyń kandıdaty Nazıra Rahman.