Almatyda «Qyzyl alma – berik jáne baqytty otbasynyń sımvoly» atty qaıyrymdylyq festıvali ótti.

Onlaın formatta uıymdastyrylǵan sharaǵa Respýblıkamyzdyń ár óńirinen taǵdyr taýqymetin tartqan múmkindigi shekteýli 43 bala qatysty. Talantty jas búldirshinder án shyrqap, bı bılep, óleń oqydy. Sondaı-aq uıymǵa kómektesken eriktilerge baǵaly syılyqtar men sertıfıkattar tabystaldy.

«Biz bul sharany 9-ret ótkizip jatyrmyz. Biraq sońǵy úsh jyl qatarynan festıvál retinde ótkizýdemiz. Damýynda nemese qarym-qatynasynda belgili bir qıyndyqtarǵa tap bolǵan balalar, shyn máninde, ishterinde úlken talantqa ıe. Balanyń talantyn ashý maqsatynda biz osyndaı is-shara ótkizip jatyrmyz», – dedi festıvál uıymdastyrýshysy Elmıra Álıeva.