Qyzylorda oblysynyń burynǵy ákimi Qýanyshbek Ysqaqovqa qatysty sot úkim shyǵardy. Sheshimge sáıkes eks-ákim túrme jazasyn óteýge tıis, dep habarlady Tengrinews.kz. saıty.

Qýanyshbek Ysqaqovtyń úkimi № 2 Qyzylorda qalalyq sotynda jarıa etildi. Sot Ysqaqovty jeti jylǵa bas bostandyǵynan aıyrdy. Ol jazasyn ortasha qaýipsizdik kolonıasynda óteýi kerek. Sonymen qatar Qyzylorda oblysynyń eks-ákimin memlekettik, ulttyq jáne kvazımemlekettik uıymdarda qyzmet atqarý quqyǵynan aıyrdy.

Buǵan deıin prokýror Qyzylorda oblysynyń burynǵy ákimin segiz jylǵa bas bostandyǵynan aıyrýdy suraǵan bolatyn. Memlekettik aıyptaýshy Ysqaqovty "asa iri kólemdegi alaıaqtyq" úshin kináli dep tanýdy surady.

Qyzylorda oblysynyń ákimi bolyp turǵan kezde qamaýǵa alynǵan Qýanyshbek Ysqaqov 2020 jyldyń naýryz aıynyń sońynan bastap úıqamaqta bolǵan. Oǵan qylmystyq kodekstiń 190-baby 4-bóliginiń 2-tarmaǵy (asa iri mólsherde alaıaqtyq) boıynsha aıyp taǵyldy. Sol bap boıynsha onymen birge taǵy tórt adam is boıynsha ótti. İstiń fıgýranttary Qyzylorda oblysy ákiminiń burynǵy orynbasary Murat Imandosov jáne ákimniń taǵy eks-orynbasary Marat Delmuhanov boldy. Sonymen qatar, aıyptaý aktisiniń kóshirmesi bıznesmender Jeńisbek Ysqaqovqa, Azat Dosmaıylovqa tabys etildi.