Ortalyq saılaý komısıasynyń búgingi otyrysynda ulttyq baıqaýshylarǵa qatysty jańa talaptar qoıylmaǵany habarlandy.

– Engizilgen eshbir jańalyq joq. Bári de Ortalyq saılaý komısıasynyń qaýlylaryna negizdelgen. Shynaıy fakttar bolǵandyqtan osy qaýly (baqylaýshylardyń jumysy týraly) qabyldandy. Sebebi bizdegi úkimettik emes uıymdardyń úshten biri óz jumysyn turaqty túrde júrgizbeıdi. Saılaý komısıalary olardyń qaısysy jumys isteıtinin, qaısysy jumys istemeıtinin teksere almaıdy. Sol sebepti ulttyq baqylaýshy retinde saılaý ýchaskesine tirkelý úshin naqty qandaı qujattardyń kerektigin naqtyladyq, – dep túsindirdi komısıa tóraǵasynyń orynbasary Konstantın Petrov.

Odan buryn zańdy tulǵalardyń jarǵysynda azamattardyń baıqaýshy bolýǵa quqyǵy bary habarlanǵan bolatyn. Azamattyq kodekstiń talaptaryna sáıkes (141, 106, 107-baptar) zańdy tulǵanyń quryltaı qujattarynda ony qurýdyń máni men maqsattary kórsetilýi tıis.