Halyk Bank kásipkerler, shaǵyn jáne mıkro-bıznes úshin smartfondarda kontaktisiz tólemderdi qabyldaýǵa arnalǵan qolaıly sheshim – Halyk Pos qosymshasyn (SoftPos tehnologıasynda) usynady.

Janasýsyz tólemder tehnologıasyna negizdelgen Halyk Pos qosymshasy NFC-modýli bar Android bazasyndaǵy smartfondy qosalqy jabdyqsyz POS-termınalǵa aınaldyrýǵa jol ashady. Ol shaǵyn saýda-servıstik kásiporyndar úshin arnalǵan jáne olarǵa kontaktisiz tólemderdi smartfonnyń kómegimen qabyldaýǵa múmkin beredi. Sheshim saýda-servıstik jelide elektrondyq tólemderdi qabyldaý múmkindikterin aıtarlyqtaı ulǵaıtyp, saýda núktesiniń klıentter bazasyn kóbeıtedi jáne ekvaırıń qyzmetterine qosylý qunyn barynsha azaıtady.

Halyk Bank Tranzaksıalyq bıznesi departamentiniń dırektory Gúlsim Dýshatova qyzmet túri jyldam, yńǵaıly jáne qaýipsiz tólem júrgizý úshin taptyrmas qural ekenin aıtty.

– Halyk Pos qosymshasy qolma-qol tólemder boıynsha, mysaly, ınkasasıaǵa shyǵyndardy qysqartýǵa jáne qolma-qol aqshasyz tólemderdi belsendi qabyldaýǵa múddeli mıkro jáne shaǵyn bızneske arnalǵan. Jańa sheshim kontaktisiz tólemder qabyldaý jelisin keńeıtý, klıentter bazasyn ulǵaıtý jáne ekvaırıń qyzmetterine qosylýǵa shyǵyndardy tómendetý arqyly kásipkerlerdiń bıznes-prosesterin ońtaılandyrýǵa múmkindik beredi. Bólshek bıznestiń klıentteri de, óz kezeginde, kontaktisiz tehnologıalardyń kómegimen jyldam, yńǵaıly jáne qaýipsiz tólem júrgizý múmkindigine ıe bolady, – dedi ol.

Janasýsyz tólem tehnologıasy arqyly tólemder qabyldaýǵa qosylý úshin kásipker Halyk Pos qosymshasyn júktep, Halyk Bank-pen ekvaırıń shartyn bekitýi kerek. POS-termınaldy tolyǵymen almastyra alatyn Halyk Pos qosymshasyn ornatyp, kontakisiz POS-termınaldyń barlyq fýnksıalaryna qosymsha qurylǵylarsyz qol jetkizýge bolady.

Negizgi artyqshylyqtary

• POS-termınaldyń ornyna smartfon júredi, qosymsha jabdyq satyp alýdyń qajeti joq;
• Kontaktisiz tólemder qabyldaý 24/7  rejıminde jumys isteıdi;
• Kez kelgen bank kartasymen tóleý jáne smartfon arqyly tóleý;
• Operasıalar týraly naqtylanǵan eseptilik;
• Tólemder qabyldaý boıynsha zańnamany saqtaý;
• Barlyq bankterdiń klıentterin qosý;

Fýnksıalary:

• Kez kelgen banktiń kartalary boıynsha (Visa, Mastercard jáne Union Pay) tólemder qabyldaý;
• Homebank Pay, Apple Pay, Samsung Pay jáne Garmin Pay arqyly smartfonmen tólemder qabyldaý;
• Tólemderdi boldyrmaý jáne keri qaıtarý;
• Elektrondyq chekterdi jóneltý;
• Operasıalar boıynsha tizimdi jáne erekshelikterin qaraý.