«Báıterek» holdıńi eldiń «jasyl» ekonomıkaǵa kóshý jónindegi bastamalaryn ár túrli quraldar – «Damý» qory arqyly «Bıznestiń jol kartasy» sheńberinde nesıe tóleý stavkalaryna kepildik berý jáne sýbsıdıalaý túrinde, sondaı-aq jańartylatyn energıa kózderin, taza tehnologıalar men ınfraqurylymdy damytý sıaqty halyqaralyq qarjy uıymdarymen jáne strategıalyq seriktestermen tıimdi qatynastar ornatýda kómek kórsetedi.

Búgingi kúni «Qazaqstannyń Damý Banki» AQ, «Qazyna Kapıtal Menedjment» AQ, «QDB-Lızıng» AQ jańartylatyn energıa kózderin damytý boıynsha 295,8 mlrd.teńge somasynda jalpy nesıelik somasy 155 mlrd.teńgege 9 jobaǵa qoldaý kórsetti.

«Báıterek» holdıńi elimizdiń eń aýqymdy áleýmettik jobalarynyń biri – «Saryarqa» gaz qubyrynyń birinshi kezeńiniń qurylysyn qarjylandyrdy. Gaz qubyry – tómen kómirtekti energıaǵa kóshýdi qamtamasyz etetin strategıalyq ınfraqurylymdyq obekt. Gaz qubyry boıynda ornalasqan eldi mekenderde ınfraqurylymdy damytý men jańa jumys oryndaryn qurýdan turatyn jobanyń joǵary áleýmettik-ekonomıkalyq mańyzdylyǵyn atap ótý qajet. «Báıterek» holdıńi jobalyq qarjylandyrý bóliminiń dırektory Áset Tájikenov:

- «Jasyl» ekonomıkaǵa kóshý tujyrymdamasy iri júıelik qaıta qurýlardyń negizin qalady. Ózderińiz biletindeı, turaqty damý júıesi eń aldymen memlekettik qurylymnyń úsh komponentine negizdelgen: ekonomıkalyq, áleýmettik jáne ekologıalyq. Eldiń turaqty damýynyń ekologıalyq komponenti irgeli bolyp tabylady jáne Qazaqstannyń «jasyl» ekonomıkaǵa kóshýi tabıǵı kapıtaldy jáne ekojúıeni saqtap qana qoımaıdy, sonymen qatar tabıǵı resýrstardy utymsyz paıdalanýdan ekonomıkalyq shyǵyndardy azaıtady, bul halyqtyń ómir súrý sapasyna, onyń ál-aýqatyna tikeleı áser etedi, - deıdi.

Ekologıalyq máseleler boıynsha belsendi azamattyq ustanym ınovasıalardy, kúndelikti ómirde jáne «taza» tehnologıalardy engizýge qatysý da «jasyl» ekonomıkany qalyptastyrý jolynda qozǵaýshy kúsh bolyp tabylady.