2019 jyly «QazAgro» UBH» AQ  enshiles uıymy – «Agrarlyq nesıe korporasıasy » AQ  nesıelik portfeli - 37%, al aýylsharýashylyǵyna negizgi kapıtalǵa salynǵan ınvestısıalar - 41% ósti. Bul týraly Qamshy.kz saıtyna ekomıkalyq baqylaýshy Sergeı Domnın habarlady.

«Sonymen qatar, negizgi kapıtalǵa ınvestısıalardyń «biligi» shamamen 500 mıllıardty quraıdy, al Agrarlyq nesıe korporasıasy nesıelik portfeliniń ósimi shamamen 100 mıllıardty quraıdy. Bul qarjy ınstıtýtynyń róli aıtarlyqtaı salmaqty, ári aıqyn ekenin bildiredi», - dep atap ótti Sergeı Domnın.

Ekonomıkalyq baqylaýshy, memlekettik damý ınstıtýttary qazaqstandyq aýylsharýashylyq taýar óndirýshileriniń negizgi kredıtorlary bolyp qala beretindigin atap ótti. Sala kásiporyndary jeńildetilgen memlekettik nesıe ala otyryp, sonyń qaıtarymy retinde básekege qabiletti ónim shyǵaratyndyǵyna jáne sol ónimderimen eksportqa shyǵatynyna nazar aýdarýy keregin mańyzdy dep sanaıdy Domnın.

Ranking.kz málimetterine súıensek, sońǵy 5 jylda aýyl sharýashylyǵyna ınvestısıalar jylyna shaqqanda orta eseppen 26,8% -ǵa ósip otyr. Agrarlyq nesıelik korporasıa saladaǵy ınvestısıalyq belsendilikti arttyrýda mańyzdy ról atqardy, dep jazady bul portalda. 2020 jyly ol 41,6 mıllıard teńgege – 48 ınvestısıalyq jobany, al 2019 jyldyń sońynda 53 mıllıard teńgege – 117 jobany qarjylandyrdy. Munyń bári nátıjesinde Qazaqstandaǵy azyq-túlik qaýipsizdiginiń artýyna áser etedi.

Domnın 2020 jyldyń qyrkúıek aıyna qaraı eldi 18 azyq-túlik tobymen qamtamasyz etý jumystary «jasyl» aımaqta bolǵanyn atap ótti.

«12 top boıynsha menshikti óndiristiń úlesi  ósti. Al qalǵandary boıynsha biz ilgeri damýdyń joqtyǵyn nemese  nasharlaǵanyn kóremiz. Mysaly,  jarma, sút ónimderi, balyq ónimderin óndirýshilerdiń qarqyny jaqsardy», - deıdi ol.

Alaıda statısıka, Domnınniń aıtýynsha, usynylatyn ónimniń sapasy men assortımentin eskermeı otyr. Statısıka boıynsha tirkelgen «jasyl» aımaqtaǵy taýarlyq toptar úlesiniń tómendeýi belgili bir dárejede ónimniń keńeıtilgen túrin kórsetedi.

Agrarlyq nesıe korporasıasynyń 2019 jylǵy esebinde, Qazaqstannyń etpen qamtamasyz etilýi 85 paıyzdan asty dep kórsetilgen. Qyzyl et , mysalǵa, sıyr eti úshin ımport 5% -dan aspaıdy jáne ımporttalǵan et ónimderi tek et óńdeý salasynda qoldanylady.

Agrarlyq nesıe korporasıasynyń ónerkásip salasy úshin mańyzdylyǵyn Fitch agenttigi atap ótti. Ol kóktemde kompanıa reıtıńin turaqty boljammen BBB- deńgeıine kóterdi. Ondaǵy reıtıńterdiń jaqsarýy «Agrarlyq nesıe korporasıasynyń ekonomıkanyń strategıalyq mańyzdy bóliminde júzege asyrylyp otyrǵan» mańyzdy mısıasymen baılanysty boldy. Agenttiktiń habarlaýynsha, «QazAgro» aktıvterin shoǵyrlandyrǵannan keıin, Agrarlyq nesıe korporasıasy aýylsharýashylyq taýar óndirýshilerine qol jetimdi nesıelendirýdiń basym kózine aınalyp otyr.