Búgin burynǵy aýyl sharýashylyǵy vıse-mınıstri Rýslan Azımov 69 jasynda ómirden ótti. Bul týraly ulttyq kınony qoldaý memlekettik ortalyǵynyń instagram paraqshasynda habarlandy.
⠀
Rýslan Jumabaıuly belgili tilshi ári jazýshy Jambyl Azımovtyń otbasynda dúnıege kelgen. Ol Almaty aýyl sharýashylyǵy ınstıtýtynyń túlegi, Vıláms atyndaǵy Máskeý Ǵylymı-zertteý ınstıtýtynyń aspıranty, ǵylym kandıdaty.
"R.Azımov Respýblıkadaǵy alǵashqy «Agro» memlekettik-kooperatıvtik birlestigin qurdy, ózi qurǵan Halyqaralyq qazaqstandyq agroónerkásiptik bırjanyń prezıdenti boldy, QR Memlekettik satyp alý agenttigin jáne «Azyq-túlik kelisim shart korporasıasy» UK» AQ basqardy. Beıindik mınıstrlikte jumys istep, Qazaqstan Respýblıkasy Aýyl sharýashylyǵy mınıstriniń mindetin atqarýshy laýazymyna deıin kóterildi.
"Marqumnyń baýyry Sergeı Jumabaıuly Azımovqa jáne barlyq týǵan-týystaryna ulttyq kınony qoldaý memlekettik ortalyǵy ujymynyń atynan qaıǵyryp, kóńil aıtamyz. Qazanyń arty qaıyrly bolǵaı!" delingen habarlamada.
1997 jyldyń sońynda Rýslan Ázimov aýyl sharýashylyǵy birinshi vıse-mınıstri bolyp taǵaıyndalǵan. Ýaqytynda aýyl sharýashylyǵy mınıstriniń mindetin atqarýshy laýazymyna deıin kóterilgen.
