Aqmola oblysy Tarasov aýyldyq okrýginiń ákimi jol apatynan qaıtys boldy. Aqparatty óńir ákimdigi rastady.
Oblystyq polısıa departamentiniń habarlaýynsha, qaıǵyly oqıǵa 14 jeltoqsanda Atbasardan 20 shaqyrym jerdegi Ekaterınbýrg-Almaty avtojolynda bolǵan.
"Tarasov aýyldyq okrýginiń ákimi 51 jastaǵy Mırasqan Muratov Atbasar qalasynan Tarasovka aýylyna qaraı qyzmettik "Nıva" avtokóligimen úıine qaıtyp kele jatqan jolda júk kóligimen soqtyǵysqan. Aýyldyq okrýgtiń basshysy oqıǵa ornynda kóz jumdy" delingen habarlamda.
Qazirgi ýaqytta atalǵan fakt boıynsha qylmystyq kodekstiń 345-baby 3-bóligi (abaısyzda adam ólimine ákep soqqan is-áreket) boıynsha sotqa deıingi tergeý bastaldy.
Pikir qaldyrý