Qyzylorda oblysy, Qazaly aýdanynda «Nur Otan» partıasy atynan  oblystyq máslıhat depýtattyǵyna kandıdattar Minajadın Óteev, Tilep Ibadýlla, Ádilbek Sarabekov, Roza Asanova, Ǵalymbek Baımahanov jáne Rabıǵa Qarymsaqova Qazaly aýdanynyń turǵyndarymen kezdesti.

Partıa ókilderi halyqtyń muń-muqtajy men ózekti problemalaryn saralady. Aýdan turǵyndary partıa múshelerimen kezdesý barysynda óz oılarymen  bólisip, usynystaryn jetkizdi.

Basty máseleler - egistik alqaptardaǵy sý tapshylyǵyn joıý, jastardy jumyspen qamtý, eldi-mekenderdi órkendetý týrasynda sóz qozǵaldy.

«Oblystyń 19 eldi mekenin gazben qamtamasyz etiledi, onyń ishinde Qazaly qalasy da bar. Partıa       27jańa densaýlyq saqtaý nysandarynyń qurylysyn aıaqtaýdy maqsat etip otyr. Onyń ishinde Qazaly aýdany,  Áıteke bı kentindegi aýdandyq emhananyń qurylysy da bar. Oblysymyzda 23 aýyldyq dárigerlik ambýlatorıanyń qurylysy júredi. Qazaly aýdanynyń Bozkól, Qaýkeı aýyldary da qamtylǵan. Sondaı-aq Qazaly aýdanynda da resýrstyq ınklúzıvtik ortalyq ashý josparlanǵan»,  - dedi úmitkerler.

Sonymen qatar,  partıa músheleri qazirgi ýaqytta júzege asyrylyp jatqan memlekettik baǵdarlamalardyń oryndalý barysymen tanystyrdy. Partıanyń jetistigin jáne el múddesi úshin jasap kele jatqan jumystaryn aıtyp, «Nur Otan» partıasyna daýys berýge shaqyrdy.

«Nur Otan» partıasy Qyzylorda oblysynyń Saılaý qorynyń qarajatynan tólendi