«Nur Otan» Respýblıkalyq saılaýaldy shtabynyń músheleri Jambyl oblysyna bardy. Olar ónerkásip kásiporyndarynyń ujymymen, shaǵyn jáne orta bıznes ókilderimen, aýyl turǵyndarymen kezdesip, partıanyń saılaýaldy baǵdarlamasyn talqylady.

Turǵyndar jastarǵa qoldaý kórsetý, densaýlyq saqtaý salasynyń sapasyn kóterý, memlekettik organdar jumysyn jaqsartý, aýyl sharýashylyǵyn damytý sekildi taǵy da basqa máselelerdi kóterdi. Partıa baspasóz qyzmetiniń habarlaýynsha, atalǵan usynystardyń barlyǵy praımerız barysynda jurtshylyqpen keńinen talqylanǵan saılaýaldy baǵdarlamalarda qamtylǵan.

Máselen, óńirde 100-den astam aýyldy sapaly aýyz sýmen, gazben jáne keń jolaqty Internetpen qamtamasyz etý josparlanǵan. Sondaı-aq, 13 jańa mektep pen Oqýshylar saraıyn salý kózdelip otyr.

«QTJ» Lokomotıv deposy men «Qazfosfat» mıneraldy tyńaıtqyshtar zaýytynyń ujymymen kezdesýde azamattardy áleýmettik qoldaý, turǵyn úımen qamtamasyz etý, jańa jumys oryndaryn ashý máseleleri talqylandy.

«Nur Otan»-nyń saılaýaldy baǵdarlamasy aıasynda 130 myń jumyssyz adamdy eńbek naryǵyndaǵy suranysqa ıe kásipterge oqytý kózdelgen. Sonymen birge 150 myń adam «Bastaý Bıznes» jobasy boıynsha oqytylady. Naqty Jambyl oblysynda óńdeý ónerkásibi salasynda 19 ınvestısıalyq jobany iske asyrý jáne 8 jańa óndiristi iske qosý josparlanýda. Sonyń nátıjesinde óńirde 5 jyl ishinde 84 myńdaı jańa jumys orny ashylady.

Oblys sportshylarymen kezdesý barysynda Respýblıkalyq saılaýaldy shtab jetekshisi Baýyrjan Baıbek buqaralyq sportty damytý, ásirese, balalar arasynda salaýatty ómir saltyn nasıhattaý boıynsha partıalyq baǵdarlamadaǵy negizgi basymdyqtar jaıyn sóz etti.

Jalpy, ulttyq sport túrleri tyń qarqyn alady. «Nur Otan» at sportyn jáne basqa da baǵyttardy nasıhattaý men damytýǵa yqpal etedi.

«Jattyqtyrýshy-oqytýshylardyń jalaqysy 2023 jylǵa qaraı 2 ese artady. Dene shynyqtyrý muǵalimderine mektepterde sport seksıalaryn uıymdastyryp, júrgizgeni úshin bazalyq eńbekaqysyna 100% mólsherinde qosymsha aqy kózdeledi. Árbir aýyldyq okrýgte sport ınstrýktory laýazymy engiziledi. Barlyq tirek aýyldardy qamtı otyryp, balalar-jasóspirimder klýbtarynyń sany myńǵa deıin jetkiziledi. Eresekter men erekshe qajettiligi bar balalardyń sportpen shuǵyldanýlaryna jaǵdaı jasalady. Bizben birge bolyńyzdar! Jeńimpaz bolyńyzdar! «Nur Otan»-ǵa daýys berińizder!», - dedi Baýyrjan Baıbek.

Kezdesý nátıjesinde qatysýshylardyń kópshiligi «Nur Otan»-ǵa qoldaýyn bildirip, aldaǵy saılaýda partıaǵa daýys berýge nıettenip otyrǵandaryn jetkizdi.

«Nur Otan» partıasynyń saılaý qory qarajaty esebinen tólendi