Shyǵys Qazaqstan oblysynyń ákimi Danıal Ahmetov turǵyndardy sanıtarlyq-epıdemıologıalyq talaptardy qatań saqtaýǵa shaqyrdy. Bul týraly ol áleýmettik jelidegi paraqshasynda jazdy. 

– Jarty aı boıy bizdiń oblys karantındik is-sharalardyń "sary" aımaǵynda keledi. Sońǵy on bes kúnde tósek qorynyń qamtylý paıyzy 14,5-ten 11,3%-ǵa deıin tómendedi, al R reprodýktıvti sany 0,84 deńgeıinde saqtalýda, – dedi ol.

Onyń aıtýynsha, SHQO-daǵy shaǵyn jáne orta bıznes ádettegi jumys tártibine qaıta oralýda.

– SHQO aýmaǵynda ornalasqan azyq-túlik jáne azyq-túlik emes taýarlardyń saýda obektilerine, ıaǵnı barlyq túrdegi bazarlarǵa, sondaı-aq sýper jáne gıpermarketterge, saýda úılerine, saýda-oıyn ortalyqtaryna mereke kúnderi, ıaǵnı 16-19 jeltoqsan aralyǵynda jumys isteýge ruqsat berildi. Árıne, tyǵyzdyǵyna baılanysty barlyq talaptar saqtalýǵa tıis. Demalystan (jeksenbiden) basqa kúnderi sport nysandary, muz aıdyndary, monshalar men baseınderdiń SPA-ortalyqtary da óz jumysyn qatań túrde aldyn ala jazylý tártibin oryndaı otyryp jalǵastyrady. Sondaı-aq balalardy ońaltý jáne bilim berý ortalyqtary, mádenıet obektileri, kitaphanalar, murajaılar, bıznes-ortalyqtar jáne sulýlyq salondary qaýlyda belgilengen shekteýlerge sáıkes qyzmetin júzege asyrady, – dep atap ótti óńir basshysy.
​
Ol jelidegi jazbasynda dárigerler adam kóp jınalýy yqtımal kez kelgen sharadan bas tartýdy usynǵanyn jetkizdi.

Ol qoǵamdyq tamaqtaný oryndarynda jappaı, otbasylyq, ujymdyq merekeler ótkizýge tyıym salynǵanyn aıtty.
​
– Balalar oıyn alańdary men atraksıondarynyń qyzmetine tyıym salyndy. Saýda-oıyn ortalyqtaryndaǵy qoǵamdyq tamaqtaný obektilerine ónimdi ózimen alyp ketý, ne jetkizý arqyly júzege asyrýlaryna ruqsat etiledi, – dedi D.Ahmetov.