Germanıa Covid-19 ınfeksıasynyń kúrt ósýin toqtatý úshin mektepter men mańyzdy emes kásiporyndardy jaýyp, qatań lokdaýnǵa kiristi.

İs-sharalar 10 qańtarǵa deıin qoldanylady. Rojdestvo kezinde sál jeńildeıdi, bir úıge tórt jaqyn otbasy múshelerin qabyldaýǵa ruqsat beriledi.

Elde sársenbi kúni taǵy 952 ólim men 27 728 jaǵdaı tirkelgeni týraly habarlandy.

Eýropanyń basqa elderi Rojdestvo qarsańynda shekteýlerdi kúsheıtti, Fransıada túngi komendanttyq saǵat engizildi.

Germanıanyń jańa sharalary boıynsha sýpermarketter men bankter sıaqty mańyzdy bıznesterge ǵana ashyq qalýǵa ruqsat etiledi. Qarasha aıynan bastap meıramhanalar, barlar men demalys ortalyqtary jabylǵan.

Shashtarazdar da kerek kásip nysany qataryna jatady. Sondaı-aq qoǵamdyq oryndarda alkogól ishýge tyıym salynyp, kompanıalardy qyzmetkerleri úıden jumys isteýine ruqsat berýge shaqyrdy.