2010 jyly bolǵan sońǵy jalpyreseılik halyq sanaǵynyń deregine sáıkes, Reseıde 648 myń etnıkalyq qazaq turady. Bul – Reseı halqynyń 0,45 paıyzy. Qazaqtar Reseıdegi negizgi etnostar tiziminiń ondyǵyna engen, dep jazady kaztag.kz.

Qazaqtar túrki halyqtary arasynda tatar, bashqurt, chývashtardan keıingi 4-orynda.

Shekaralyq aýdandardaǵy qazaqtardyń úlesi joǵaryraq. Máselen, Astrahan oblysynda 149 myń qazaq (halyq sanynyń 16,79%-y), Orynbor oblysynda – 120 myń (5,91%), Omby oblysynda – 78 myń (3,96%), Saratov oblysynda – 76 myń  (3,01%), Altaı respýblıkasynda – 12,5 myń qazaq (6,07%) turady.

Qazaqstanmen shekaralas aýdandardyń keıbirinde qazaqtardyń úlesi turǵyndardyń jartysynan asady. Astrahan oblysy Volodar mýnısıpaldyq aýdanynyń 68,2 paıyzy qazaqtar, Saratov oblysyndaǵy Aleksandrovo-Gaıskıı aýdanynda 53,9 paıyz, Altaı respýblıkasyndaǵy Kosh-Agachskıı aýdanynda turǵyndardyń 53,6 paıyzy qazaqtar.