AQSH vıse-prezıdenti Maık Pens vaksınanyń senimdiligin arttyrý jáne qoǵammen baılanys jasaý maqsatynda juma kúni tikeleı efırde COVID-19 vaksınasyn ekkizetini habarlandy.
Aq úıdiń koronavırýstyq jedel tobyn basqarǵan Pens áıeli Karen Penspen birge jaqynda resmı maquldanǵan "Pfizer-BioNTech" vaksınasyn ekkizbek.
Aq úı sársenbi keshte elektrondyq poshta arqyly josparlaryn jarıalady.
Bas áriptermen jazylǵan habarda "VISE-PREZIDENT AMERIKALYQTAR ARASYNDA SENİM QALYPTASTYRÝ ÚSHİN COVID-19 VAKSINASYN SALǴYZADY" dep jazylǵan.
– 18 jeltoqsan, juma kúni vıse-prezıdent Maık Pens pen ekinshi hanym Karen Pens vaksınanyń qaýipsizdigi men tıimdiligin nasıhattaý jáne amerıkalyqtar arasynda senimdilikti arttyrý maqsatynda COVID-19 vaksınasyn kópshilik aldynda ekkizedi, – delingen Aq úıdiń habarlamasynda.
Aıta keteıik, 2 jeltoqsanda "Tramp kelesi aptada vaksına óndirýshilermen kezdesedi" dep habarlanǵan. Odan kóp ótpeı, Vashıngton vaksınany shuǵyl qoldanýǵa ruqsat berdi. İle-shala COVID-19 vaksınasy dúısenbiden bastap qoldanysqa engiziletini jarıalandy.
Pikir qaldyrý