Sońǵy aqparattar boıynsha, saılanǵan prezıdent Djo Baıden kelesi aptada alǵashqy koronavırýstyq vaksınany kópshilik aldynda ekkizedi dep kútilýde.

"78 jastaǵy qarıa vaksına ekkizgen jáne densaýlyq saqtaý salasynda jumys istemeıtin alǵashqy amerıkalyqtardyń biri bolady" dep habarlady CNN.

Pandemıa kezinde Baıden óte saq boldy. Ol Delaverdegi jertólesinde birneshe aı boıy ońasha turdy. Tek tańdaýly keńesshilerge ǵana onyń úıine kirýge ruqsat berildi.

Saılaýda jeńiske jetkennen keıin de Baıden saıahattardyń jeńil kestesin saqtady. Baspasózde sırek sóıledi jáne árdaıym kópshilik aldynda maska kıip júrdi.

Aıta keteıik, 2 jeltoqsanda "Tramp kelesi aptada vaksına óndirýshilermen kezdesedi" dep habarlanǵan. Odan kóp ótpeı, Vashıngton vaksınany shuǵyl qoldanýǵa ruqsat berdi. İle-shala COVID-19 vaksınasy dúısenbiden bastap qoldanysqa engiziletini jarıalandy.