"Amerıka Qurama Shtattary ondaǵan qytaılyq kompanıany, onyń ishinde Beıjińniń eń iri chıp óndirýshisi SMIC-ti qara tizimine qospaq" dep habarlady beısenbide Reuters-ke osy máselemen tanys eki adam.

Bul qadam prezıdent Donald Tramptyń Qytaımen saýda soǵysynyń sońǵy áreketi retinde qarastyryldy.

AQSH saýda departamenti 80-ge jýyq kompanıa men enshiles uıymdy qara tizimge qosady dep kútilýde. Olardyń barlyǵy derlik qytaılyq fırmalar.

Qytaıdyń Syrtqy ister mınıstrligi muny AQSH-tyń Qytaı kompanıalaryna qysym kórsetkeniniń dáleli dep aıyptady jáne Beıjiń olardyń quqyqtaryn qorǵaý úshin "qajetti sharalardy" jalǵastyra beretinin aıtty.

– Biz AQSH-ty sheteldik kompanıalarǵa negizsiz qysym jasaýdy toqtatýǵa shaqyramyz, – dedi mınıstrlik ókili Van Venbın juma kúni Beıjińde ótken kezekti baspasóz konferensıasynda.