AQSH memlekettik hatshysy Maık Pompeo Reseı Amerıka jaýlarynyń tizimine kiretinin aıtty, dep habarlady RIA Novostı saıty.

– Menen árdaıym jaýymyz kim dep suraıdy, jaýap mynandaı: bizdiń ómir saltymyzǵa, respýblıkamyzǵa, negizgi demokratıalyq prınsıpterge nuqsan keltirgisi keletinder kóp. Reseı bul tizimge mindetti túrde kiredi, -–dedi Pompeo Mark Levınniń radıo shoýyna bergen suhbatynda.

RIA Novostı atap ótkendeı, ádette amerıkalyq sheneýnikter Reseıdi qarsylas dep ataıdy, biraq jaý dep emes. 

Memlekettik hatshy Reseıdiń jaqynda bolǵan kıbershabýyldarǵa qatysy bar degen amerıkalyq BAQ-ta paıda bolǵan habarlamalar týraly eske saldy.

Ol sonymen birge Reseı basshylyǵy "bostandyqty jaqsy kóretinder úshin naqty qaýip" ekenin atap ótti. Pompeo Reseıden keletin qaýipti tómendetýdi qalamaıdy jáne Qytaıdy AQSH-tyń "ekzıstensıaldy" qaýpi dep sanaıdy.