«Nur Otan»-nyń Respýblıkalyq saılaýaldy shtaby Almatyǵa keldi. Bıleýshi partıa ókilderi qoǵam belsendilerimen, saıasattanýshylarmen, sarapshylarmen, shaǵyn jáne orta bıznes pen zıaly qaýym ókilderimen, sondaı-aq jas startapshylarmen, İT mamandarmen, blogerlermen jáne vaınerlermen birqatar kezdesýler ótkizdi.

Sonymen, Almaty qalasynyń sarapshylar qaýymymen kezdesýde azamattar men memlekettiń arasyndaǵy keri baılanysty jolǵa qoıýda azamattyq sektordyń qatysýy men rólin odan ári keńeıtý máseleleri talqylandy.

«Nur Otan» partıasy Elbasynyń 5 ınstıtýsıonaldy reformasy men Prezıdent usynǵan «Halyq únine qulaq asatyn memleket» tujyrymdamasyn iske asyrý aıasynda barlyq jerde azamattyq baqylaýdy engizýge, eń aldymen munyń búdjettiń jumsalýy boıynsha qoldanylýyna yqpal etedi. Biz qoǵamdyq saraptama men onlaın-petısıaǵa zańdy mártebe beremiz, zańnamalyq deńgeıde aýyl ákimderiniń tikeleı saılanýyn engizip, barlyq deńgeıdegi ákimderdiń halyq aldynda esep berýge mindettiligin qamtamasyz etemiz», - dedi Respýblıkalyq saılaýaldy shtab jetekshisi Baýyrjan Baıbek.

Sonymen qatar, onyń aıtýynsha, «Nur Otan» partıasy azamattar saýaldarynyń biryńǵaı elektrondy júıesin jasaýdy, barlyq óńirde halyq qatysatyn búdjetti endirýdi, kvazı memlekettik sektorda qoǵamdyq keńesterdiń qurylýyn qamtamasyz etýdi jáne taǵy basqalardy josparlap otyr.

Memlekettik organdardyń tıimdiligi men esep berýshiligin arttyrý úshin «Nur Otan» partıasy sheneýnikterdiń jalaqysyn azamattardyń ál-aýqatymen baılanystyra qaraýdy usynady. Bul oraıda óńirlerdiń jergilikti máselelerdi sheshýde derbestigi artatyn bolady.

Taıaý 5 jyldaǵy jumystyń negizgi baǵyttarynyń biri shaǵyn jáne orta bıznes ókilderin qoldaý bolmaq.

«Nur Otan» partıasy salyqtardyń sanyn qysqartyp, olardy esepteý tártibin ońtaılandyrýǵa, áleýmettik mańyzdy taýarlardy óndirýshiler úshin QQS-yn tómendetýge, ekonomıkanyń naqty sektorlaryn nesıelendirýdi keńeıtý úshin jaǵdaı jasaýǵa qol jetkizedi. Salyqtyq mindettemelerdiń oryndalýyna qashyqtan monıtorıń jasaý engizilmek.

Bıznesti sanksıalanbaǵan tekserýlerden qorǵaý úshin bıznesti salyqtyq zań buzýshylyqtary úshin qylmystyq jaýapkershilikke tartý shegin qaıta qaraý josparlanýda. Sot pen prokýrordyń sanksıasynsyz kásipkerlerge qatysty tergeý áreketterine tyıym salynady. Azamattardyń densaýlyǵy men ekologıany qorǵaý talaptaryna saı kelmeıtin barlyq normatıvtik-retteý qujattary alynyp tastalady.

«Qolaıly ekonomıkalyq jaǵdaı jasaý úshin memlekettiń ekonomıkadaǵy úlesin azaıtý, bıznes úshin kedergilerdi joıý josparlanyp jatyr. Biz barlyq tıimsiz baǵdarlamalardan bas tartyp, bosaǵan qarajatty mańyzy basym qoǵamdyq mindetterdi sheshýge baǵyttaımyz. Naqty ister partıasy – «Nur Otan»-ǵa daýys berińizder!»,- dep basa aıtyp ótti Baýyrjan Baıbek.

«Nur Otan» partıasy jas startapshylardy qoldaý maqsatynda derekterdi óńdeý men saqtaý salasyna ınvestısıalardy 6 esege, ıaǵnı 500 mlrd. teńgege deıin arttyra otyryp, 1000 jańa İT-kompanıa ashýdy yntalandyrady.

Jumyspen qamtýdyń jańa nysandary – frılans, qashyqtan jáne ishinara jumyspen qamtylý boıynsha jumys isteıtin azamattar úshin áleýmettik kepildikti zańnamalyq turǵyda qamtamasyz etý kózdeledi. Jalpy, «Nur Otan» partıasynyń saılaýaldy baǵdarlamasy aıasynda İT salasynda 170 myńnan astam jańa jumys ornyn ashý josparlanýda.

Partıa baspasóz qyzmetiniń málimetinshe, bir apta ishinde «Nur Otan» partıasynyń saılaýaldy shtab músheleri elimiz boıynsha 7 myńnan astam kezdesý ótkizip, ol 650 myńnan astam saılaýshyny qamtydy. «Esikten esikke» aksıasy barysynda jasotandyqtar 174 myńnan astam páterdi aralady.

Shtabtar janyndaǵy qoǵamdyq qabyldaý bólmelerine 8 myńnan astam ótinish kelip tússe, onyń ishinde 2 myńnan astam usynys pen talap-tilek turǵyndardan keldi. Kandıdattar men partıanyń senimdi ókilderi 1,8 myń qabyldaý ótkizip, onyń barysynada barlyǵy 7,6 myń adamdy qabyldady.

Erteń Respýblıkalyq saılaýaldy shtab Aqmola oblysynda birqatar kezdesýler ótkizedi. Odan ári 5 kún qatarynan Qyzylorda, Mańǵystaý, Atyraý, Batys Qazaqstan jáne Aqtóbe oblystarynyń turǵyndarymen kezdesýler josparlanǵan.

«Nur Otan» partıasynyń saılaý qory qarajaty esebinen tólendi.