Qyzylorda oblysy Shıeli aýdanynda «Nur Otan» partıasy atynan oblystyq jáne aýdandyq máslıhat depýtattyǵyna úmitkerler Tileýbergen Shaýtaı, Patıma Mahanbet, Nasyrbek Myrzabekov, Serik Múlikovtyń qatysýymen "Kúrish aqtaý" zaýytynda eńbek ujymymmen ekspromt-kezdesý ótti.

Kezdesý barysynda úmitkerler saılaýaldy baǵdarlamanyń basym baǵyttarymen tanystyrdy.

«Aýyl sharýashylyǵy, shaǵyn jáne orta bıznes salalarynda barlyǵy 121 jobany júzege asyrý josparlandy. Bes jyl ishinde asyl tuqymdy múıizdi iri qara mal sanyn 1340-qa, ýaq maldyń sanyn 25 134 basqa deıin arttyrýǵa, Shıeli kentinde sút baǵytyndaǵy 1 200 bas iri qara fermasyn, júgeri óńdeý sehyn ashýdy josparlap otyr. Sonymen qatar, 3 myń gektarǵa sýarmaly jerlerdiń kólemin arttyrýǵa, Sh.Qodamanov aýylynda 1 000 bastyq bordaqylaý alańyn salýǵa, aýdan turǵyndarynyń jeke maldary úshin jaıylymdyq máselesin sheshý joldaryn qarastyrýǵa, aýdan ortalyǵynda 2 áleýmettik dúken ashýǵa yqpal etedi», - dedi oblystyq máslıhat depýtattyǵyna úmitker Tileýbergen Shaýtaı.

«Elimizde saılaý ótetininen habardarmyz. «Nur Otan» partıasy jetekshi partıa retinde túrli jobalardy jemisti júzege asyryp keledi. Túıtkildi máseleler de partıanyń jiti baqylaýynda. Bizdiń ujym aýdannyń ekonomıkasyna óz úlesin qosyp keledi. Eńbektiń – nany tátti» degen jumysshylar ýaqytyly jalaqysyn alyp otyr. Aýdannyń damýyna úles qosyp jatqandaryn sezinedi. Partıanyń baǵdarlamasymen tanyspyz. Qoldaý bildiremiz», - dedi ujymnyń atynan sóz alǵan Marat Shohanov.

Úmitkerler qatysýshylardyń suraqtaryna jaýap berip, 10 qańtarda ótetin saılaýǵa shaqyrdy jáne «Nur Otan» partıasyna daýys berýge úgittedi.

«Nur Otan» partıasy Qyzylorda oblysy Saılaý qorynyń qarajatynan tólendi