Bul jaıynda búgin «Nur Otan» partıasy atynan Qyzylorda oblystyq máslıhat depýtattyǵyna úmitker Shaýtaı Tileýbergen "Nur Otan" partıasynyń saılaýaldy baǵdarlamasyn túsindirý maqsatynda aýdannyń bilim salasy ókilderimen ótken kezdesýde aıtty.

Shıeli aýdanynyń mádenıet úıinde ótken bul júzdesýge Shıeli aýdandyq máslıhat depýtattaǵyna úmitkerler Patıma Mahanbet, Nasyrbek Myrzabekov, Serik Múlikov, Bákir Bekjan jáne Ǵalymjan Áltaev ta qatysty. Basqosýda aldaǵy bes jylda kózdelgen negizgi mindetter joǵary jáne birinshi sanattaǵy oqytýshylar quramy úlesin kóterý, aýyldyq eldi mekenderdegi kadr tapshylyǵyn joıý, aýdandaǵy 4 negizgi mektepti kezeń-kezeńimen jańa modıfıkasıaly kabınettermen jabdyqtaý, bilim berý obektileriniń materıaldyq-tehnıkalyq bazasyn nyǵaıtý, az qamtylǵan jáne kóp balaly otbasylardyń balalaryna áleýmettik kómek kórsetý, pedagogtardy kıberpedagogıka negizderi jáne qashyqtan oqytý formatynyń ádistemesi boıynsha oqytý máseleleri sóz boldy.

«Nur Otan» partıasy elimizdiń jetekshi saıası kúshi retinde halqymyzdyń birligine, elimizdiń gúldenýine jáne árbir qazaqstandyqtyń ıgiligine jumys jasaýdy jalǵastyrady. Bizdiń aldymyzǵa eldiń senimin aqtaý mindeti tur. Oblystyń árbir turǵynynyń jaıly ómir súrýi, damýy úshin barlyq múmkindikterdi jasaımyz. Óńirimizdegi partıanyń árbir bastamasyna kýá bolyp kele jatqan Sizderdi ondaǵy mindetterdi birlesip júzege asyrýǵa «Nur Otan» partıasyn qoldap daýys berýge shaqyramyn, – dedi úmitker Shaýtaı Tileýbergen kezdesý barysynda.

Aıta keteıik, 2025 jylǵa qaraı joǵarǵy jáne orta bilim berý uıymdaryna túsken mektep bitirýshilerdiń úlesi men ınklúzıvti bilim berýge jaǵdaı jasap otyrǵan mektepter sanyn arttyrý josparlanýda. Úmitkerler osyndaı emen-jarqyn kezdesý, erkin áńgimeden soń, úgit-nasıhat paraqtaryn taratty.

«Nur Otan» partıasy Qyzylorda oblysynyń Saılaý qorynyń qarajatynan tólendi