Shymkentte áıeldi zorlamaq bolǵan er adam ustaldy. Bul týraly ishki ister mınıstrliginiń resmı ókili Nurdildá Oraz málimdedi.

– Shymkent polıseıleri qaladaǵy kóppáterli úılerdiń biriniń kireberisinde áıeldi zorlamaqshy bolǵan kúdiktini keshe ustady. Ol 1985 jyly týǵan jergilikti turǵyn bolyp shyqty. Tergeý amaldary nátıjesinde kúdikti áıeldiń kúrteshesinen 8 myń teńgege jýyq aqshany urlaǵany anyqtaldy. Er adam óz kinásin tolyǵymen moıyndady. Qazirgi kezde kúdikti Shymkent qalasy polısıa departamentiniń ýaqytsha ustaý abaqtysyna qamaldy.

İshki ister mınıstrliginiń resmı ókili atalǵan is qylmystyq kodekstiń 191-baby 2-bóligi jáne 120-baby 1-bóligi (tonaý jáne zorlaýǵa oqtalý) negizderi boıynsha sotqa deıingi tergeýdiń bastalǵanyn habarlady.

Onyń aıtýynsha, kúdiktiniń qylmysy dáleldense, 8 jylǵa deıin bas bostandyǵynan aıyrylýy múmkin.

Eske sala keteıik, 17 jeltoqsanda Eńbekshi aýdandyq polısıa bóliminiń kezekshi bólimshesine áıeldi zorlamaq bolǵan er adamnyń ústinen shaǵym túsken.