Búginde «jasyl ekonomıka» termıni jıi qoldanysqa ıe. Bul baǵdarǵa bet burý el ekonomıkasy men turǵyndardyń turmysyn salmaqtaı otyryp, qorshaǵan ortanyń jaqsarýy men damýyna serpin bolyp otyr.

Memleket basshysy Qasym-Jomart Toqaev kezekti joldaýynda «jasyl» ekonomıkaǵa erekshe toltalyp, salany meıilinshe ilgeriletý keregin atap ótti. Sondaı-aq, Prezıdent qazirdiń ózinde kómirteginiń úlesin barynsha azaıtyp, Úkimetke «jasyl ósim» jónindegi usynystar jıyntyǵyn ázirleýmen qatar eldegi ormandy alqaptardy kóbeıtý úshin 2 mlrd aǵash egýdi tapsyrǵan edi.

Jasyl ekonomıkaǵa kóshý, eń aldymen, Almaty sekildi úlken qalalar úshin mańyzǵa ıe. Sebebi halqy tyǵyz ornalasqan iri qalalardyń ekologıalyq jaǵdaıy kún kezeginde turǵan máselelerdiń biri bolyp esepteledi. Almaty qalasynda jasyl qordy ulǵaıtý boıynsha aýqymdy jumystar jalǵasýda. Atalmysh qalada «jasyl Almaty» baǵdarlamasyn júzege asyrý bastalǵan bolatyn. Jobaǵa boıynsha úsh jyl ishinde mıllıon aǵash otyrǵyzylý kózdelgen.  Baǵdarlama negizinde 2019 jyly 135 myń aǵash egilse, bıyl onyń sany 282 myńdy shamalaǵan. Al kógaldandyrý alańy da ótken jylmen salystyrǵanda 1 sharshy metrge jýyq ulǵaıǵan.

Osy turǵyda bıyldyń ózinde Almaty qalasy Jasyl ekonomıka basqarmasy qaladaǵy ekoahýaldy jaqsartý birneshe isterdiń basyn qaıyryp úlgergen. Mysaly, atalmysh basqarma jyl basynan beri jasyl ekonomıkany damytý jolyna 3 mlrd 447 mln teńge qarjy bólgen. Eń kólemdisi – «Sańyraýlar koǵamy» eken. 

Shahardaǵy ekoahýaldy jaqsartý jumysy boıynsha 27 qazanda Almaty qalalyq Jasyl ekonomıka basqarmasy qyzmetkerleriniń bas qosýy ótken. Jınalystyń maqsaty Abaı dańǵylymen Dostyq pen Baıtursynov kóshesine deıingi aımaqtaǵy aǵashtardyń jaǵdaıyn zertteý bolatyn. Zertteý nátıjesinde kóshe boıynda 306 aǵash, onyń 254 – qylqan japyraqty, 26 – japyraqty, 24 – jemisti aǵashtar jáne 2 – butalar ekeni anyqtalǵan. Atalǵan aımaqta ornalasqan aǵashtardyń jaǵdaıy jaramsyzdary bar ekeni belgili bolǵan. Jol boıyndaǵy 306 aǵashtyń qýraǵan 47-eýi kesilip, 23-i basqa aýdandarǵa jóneltilgen.

Sondaı-aq  «ECO FUND TABIGAT» jekemenshik qory «Almaty qaraǵaıly ormany» jobasyn iske asyrmaq. Oǵan qala turǵyndary da qatysa alady. Joba aıasynda Almaty qalasy Alataý aýdanynda 470-ten asa qylqan japyraqty aǵashtar otyrǵyzý josparlanǵan.

Almatydaǵy eń jas aýdandardyń Alataý aýdanyndaǵy abattandyrý jumystary únemi nazarda. Bıyl kógaldandyrý jumystary boıynsha aýdanda 205 aýla, 9 sver jóndeýden ótip, 5 bos ýchaski men 2 jaǵalaý aımaqtary abattandyrylǵan. Al 10 yqshamaýdanynda joba boıynsha jaıaý júrginshiler jolyna jóndeý jumystary iske asyrylǵan.

Sarapshylardyń pikirinshe, ákimdik qabyldaǵan sharalar aýanyń gazdanýyn birneshe ese azaıtýǵa jáne qala ústinde ilinip turǵan tútin bulttaryn taratýǵa kómektesedi.