Ilon Mask óz otbasyndaǵy bızneste tabysqa jetken, mıllıondaǵan aqsha tapqan nemese tanymaldylyqqa qol jetkizgen jalǵyz adam emes.

Masktyń otbasy genııler, kásipker mýltımıllıonerler men juldyzdarǵa toly. Ákesi – ıntelletýaldyq deńgeıi (IQ) genıı deńgeıindegi ınjener, sheshesi – sýreti álemdik eń iri basylymdardyń muqabasynda jaryq kórgen áıgili model, inisi – múltımıllıoner, qaryndasy – fılm prodússeri, bóleleri de tabysty tehnologıalyq mıllıonerler. 

Ilon Masktyń ákesi – Errol Mask

Ilonnyń aıtýynsha, ákesiniń IQ deńgeıi genıı deńgeıinde. 2017 jyly Rollıng Stoýn profıline sáıkes ol Ońtústik Afrıkada kásibı ınjenerler biliktiligin alǵan eń jas adam bolǵan.

Ilon kishkentaı kezinde áke-sheshesi ajyrasqannan keıin ákesimen turdy. Ol kezde Errol Mask qurylys jáne ızýmrýdty taý-ken jumystarymen aınalysqan.

Sheshesi Meı Mask

Meı Mask 15 jasynan bastap elý jyl model boldy, ol "Special K" jarmasy qoraptarynda jáne Time jýrnalynyń muqabasyna shyqqan jáne Nú-Iork sán aptalyǵynda shoýlarda óner kórsetken.

2017 jyly Meı 69 jasynda CoverGirl ókili boldy.

İnisi Kımbal Mask

Ol múltımıllıoner, restorator jáne mesenat.

Qazirgi ýaqytta Kımbal Mask Kitchen Restaurant Group, Big Green dep atalatyn komersıalyq emes uıym jáne Square Roots qalalyq fermerlik kompanıasy sekildi úsh tamaq kompanıasynyń negizin qalaýshy.

Ol aǵasy Ilon Maskpen birge jasóspirim kezinde Ońtústik Afrıka Respýblıkasynan Kanadaǵa qonys aýdardy. Kımbal Zip2 kompanıasyn Ilonmen birge qurdy jáne ony 1999 jyly 307 mıllıon dollarǵa satty. Ol PayPal-dyń ınvestory boldy jáne qazirgi ýaqytta Tesla men SpaceX kompanıasy keńesiniń múshesi.

Kımbal Mask Nú-Iorktegi fransýz aspazdyq ınstıtýtyna oqýǵa túsip, 2010 jyly qubyrdaǵy apatta moınyn syndyryp alǵan soń mansabyn tamaqqa arnaýǵa bel býǵan.

Kımbal eki ret úılendi.tAldymen Djen Levınmen otbasyn qurdy. Onymen birge The Kitchen Restaurant Group jáne Big Green-dy qurdy. Olardyń úsh balasy bar. Lýka jáne Avgýst esimdi eki uly jáne esimi belgisiz úshinshi balasy bar.

Ilonnyń inisi eks-mıllıarder Sem Ýaılıdiń qyzy Krıstıana Ýaılıge 2018 jyly Dallasta ótken "ıntımdik" úılený toıynda úılendi.

Ilon Masktyń qaryndasy Toska Mask Passionflix dep atalatyn kıno kompanıasynyń ıesi

Toska Mask 2001 jyldan bastap fılmder shyǵarýmen aınalysady jáne IMDb paraqshasynda osy ýaqytqa deıin 30-dan astam fılm túsirgen.

Qazirgi ýaqytta ol Passionflix-tiń negizin qalaýshysy jáne bas atqarýshy dırektor. Romantıkalyq romandarǵa beıimdelgen fılmder túsiredi. Toska kompanıany 2016 jyly qurdy jáne ınvestorlardan 4 mıllıonnan astam dollar jınady.

Lındon Rıv – SolarCity kompanıasynyń negizin qalaýshy jáne Ilon Masktyń bólesi (shesheleri egiz) 

Lındon Rıv óziniń aǵasy Pıtermen birge SolarCity-di 2006 jyly qurdy. Ol 2016 jyly kompanıany Tesla 2,6 mıllıard dollarǵa satyp alǵanǵa deıin kompanıanyń bas dırektory bolyp jumys istedi.

SolarCity-di bastamas buryn, 1999 jyly Rıv óziniń aǵalary Rass pen Pıtermen birge Everdream atty baǵdarlamalyq jasaqtama kompanıasyn qurdy. Olar segiz jyldan keıin ony 120 mıllıon dollarǵa Dell-ge satty.

Pıter Rıv SolarCity negizin qalaýshy jáne Masktyń bólesi

Pıter Rıv SolarCity negizin qalady jáne onyń bas tehnologıalyq qyzmetkeri boldy. 2019 jyldyń aqpanynda Lındon da, Pıter Rıv te Afrıkaǵa taza, qol jetimdi energıa ákelýge baǵyttalǵan Zola Electric startapyna qosyldy.

Rass Rıv - SuperUber dep atalatyn kórkemdik-tehnıkalyq óndiris kompanıasynyń negizin qalaýshy. Ol da Masktyń týǵan bólesi

Rass Rıv óziniń baýyrlary Lındon jáne Pıtermen birge Everdream dep atalatyn baǵdarlamalyq jasaqtama qurdy. Ol sodan beri Tesla men SpaceX-ti óz klıentteriniń qataryna qosatyn SuperUber óndiristik kompanıasyn qurdy.

Almeda Rıv - Rass, Pıter jáne Lındonnyń qaryndasy

Vanity Fair aqparaty boıynsha, Almeda Rıv básekege qabiletti baıker, sonymen qatar LinkedIn-ge sáıkes SolarCity-de satylymdarda jumys istedi.

Djastın Mask - jazýshy jáne Ilon Masktyń birinshi áıeli

Djastın Ýılson Ilon Maskpen Ontarıo shtatyndaǵy Kıngstondaǵy Queen's University-de oqyp júrgende kezdesti. Mask Pensılvanıa ýnıversıtetiniń Varton mektebine aýysqan kezde, olar qaıtadan qosyldy. Ol kezde Mask alǵashqy startapta jumys istegen, al Djastın mektep bitirgennen keıin alǵashqy romanyn jaza bastady.

Djastınniń Marı Klerdegi ocherki boıynsha olar 2000 jyly úılendi.

Erli-zaıyptylar Los-Andjeleske kóship, Nevada esimdi ul týdy, biraq náreste 10 aptalyǵynda qaıtys boldy. Olardyń egizderi men úshemderi boldy. Olar Grıffın, Ksave, Damıan, Sakson jáne Kaı.

Djastın Marı Klerde Maskpen qarym-qatynasyn durys bolmaǵanyn jazdy. Erli-zaıyptylar 2008 jyly ajyrasqan.

Talýla Raılı – anglıalyq aktrısa. Mask ekeýi eki ret úılengen

Mask Djastınnen ajyrasqannan keıin, aktrısa Talýla Raılımen kezdese bastady.

Raılı men Mask 2010 jyly úılendi. Eki jyldan keıin olardyń ajyrasqany málim boldy. Mask óziniń Twitter paraqshasynda "Bul tańǵajaıyp tórt jyl boldy. Men seni máńgilikke súıemin. Sen bir kúni bireýdi óte baqytty etesiń" dep jazdy.

Erli-zaıyptylar 2013 jyly qaıta úılendi. Biraq Mask kelesi jyly ekinshi ajyrasý týraly aryz jazdy, keıin aryzyn qaıtaryp aldy. 2016 jyly Raılı Maskpen ajyrasý týraly aryz berdi jáne olardyń nekesi sol jyly zańdy túrde aıaqtaldy.

Alaıda keıin ekeýi jaqsy qarym-qatynasta boldy. "Biz áli kúnge deıin bir-birimizdi únemi kórip, qamqorlyq jasaımyz" dedi Raılı.

Mask 2018 jyly kanadalyq ánshi Grımespen kezdese bastady

Grımestiń shyn aty Kler Baýcher. 2018 jyldyń mamyrynda Mask kanadalyq ánshi jáne prodúser Grımespen birge Metropolıten óner mýzeıindegi jyl saıynǵy kostúmder ınstıtýtyna arnalǵan Gala festıvaline keldi. Sol kezde, Page Six bul jup birneshe apta boıy "yń-jyńsyz kezdesip júrgen" dep habarlady.

2020 jyly 4 mamyrda Grımes dúnıege sábıi kelgenin rastady. Jup uldaryna X Æ A-Xii dep at qoıǵanyn jarıalady.