Prezıdent Qasym-Jomart Toqaev "Teńizshevroıl" JSHS-nyń bas dırektory Imer Bonnerdi qabyldady, dep habarlady Aqorda saıty.

Saıt málimetinshe, bas dırektor Bonner prezıdent Toqaevqa "Teńizshevroıl" kompanıasynyń óndiris oryndary men "Teńiz" kenishindegi koronavırýs indetine qarsy kúres jumystary jaıynda baıandady.

"Kezdesýde kómirsýtegi sektoryndaǵy ınvestısıalyq jobalardyń júzege asyrylýy jáne kompanıanyń aldaǵy 3-4 jyldaǵy damý perspektıvalary týraly aıtyldy. Memleket basshysy "Teńizshevroıl" kompanıasy iske asyryp jatqan jobalarda qazaqstandyq úlesti qamtamasyz etýdiń mańyzdy ekenine nazar aýdardy" delingen habarlamada.

Kezdesý sońynda prezıdent Toqaev Imer Bonnerge Qazaqstannyń munaı-gaz salasynyń damýyna qosqan úlesi jáne kompanıadaǵy tabysty jumysy úshin rızashylyǵyn bildirdi.