20 jeltoqsanda saılaýaldy úgit jumystarynyń qarqyndy júrgizilýin qolǵa alǵan «Nur Otan» partıasynyń saılaýaldy shtaby Qaratal aýdandyq mádenıet úıinde Úshtóbe bastaýysh partıa uıymdarymen kezdesý ótkizdi.

Oǵan Qaratal aýdandyq máslıhat depýtattyǵyna úmitker kandıdattar Býlavın Aleksandr Borısovıch pen Blasov Beket Jaılaýbekuly, aýdandyq saılaýaldy shtab tóraǵasy Teńelbaev Jandos Qasqyrbekuly sondaı-aq, májilis depýtattyǵyna úmitker kandıdattar Nesterov Konstantın Mıhaılovıch pen Karımov Dosjan Eljanuly qatysty.

Otyrysta talqylanǵan basty másele – partıanyń saılaýaldy baǵdarlamasyn negizge alyp, úgit-nasıhat jumystaryn júrgizý.

Kezdesý barysynda turǵyndardyń kókeıinde júrgen mańyzdy máselelerdiń sheshilý joldary basty nazarǵa alynyp, talap-tilekteri de jaýdyryldy. Tyrnaqshaǵa alynǵan másele: aýdanǵa gaz tartý máselesi boıynsha atqarylyp jatqan jumystarǵa qatysty suraqtar boldy. Bul saýalǵa Teńelbaev Jandos Qasqyrbekuly óz kezeginde Qanabek aýylyna gaz tartý jumystarynyń qarqyndy qolǵa alynyp jasalǵandyǵy jaıly aıtyp ótip, aýdan ortalyǵy – Úshtóbe qalasyna osy jyly atalmysh gaz tartý máselesi basty josparǵa alynyp, júzege asatyny jaıly aıtyp ótti.

Sonymen qatar aýdannyń partıalyq tizimindegi kandıdattar Boqbasarov Ádil Ábenuly, Rahmetqazınov Nurjan Nurlanuly, Esteýov Bolat Tóleýǵazyuly, Qalımoldına Ajar Nursálimqyzy, Jumanov İlıas Beısembaıuly «LAD» JK-niń eńbek ujymymen de úgit jumystaryn júrgizip, saılaýaldy baǵdarlamanyń sharttarymen tanystyryp aldaǵy maqsat-jobalardan habardar etti.

Sondaı-aq basqa da birqatar saılaýaldy úgit-nasıhat jıyndary áli de josparǵa alynyp, kóptegen uıymdarmen, sharýa qojalyqtary jáne halyq kóp shoǵyrlanǵan oryndarda uıymdastyrylatyndyǵyn aıtamyz. Bizdiń ortaq maqsat – árbir turǵynnyń ómir súrý deńgeıin jaqsartý, osy turǵyda árbir qazaqstandyqty daýys berýge shaqyramyz. «Qıyndyqty eńserip, jeńiske birge jetemiz!», «Bizdiń daýysymyz-bizdiń bolashaǵymyz!»

«Nur Otan» partıasy Almaty oblysy Qaratal aýdandyq fılıalynyń baspasóz qyzmeti