Búgin «Nur Otan» partıasy Qaratal aýdandyq fılıalynda Parlament májilisiniń depýtattyǵyna úmitker, aqyn, Qazaqstannyń «Júz jańa esiminiń» biri - Tájmaǵambetova Maqpal Masaqqyzy is-saparmen jıynǵa keldi.

Otyrysta saılaýaldy shtab tóraǵasy Teńelbaev Jandos Qasqyrbekuly, partıalyq tizimdegi kandıdat Qusaınov Farhat jáne «Jastar» resýrstyq ortalyǵynyń jetekshisi Rahmetqazınov Nurjan Nurlanuly bas qosty.

Ortaǵa alynǵan másele ol árıne, alda kele jatqan búkilhalyqtyq saılaý bolǵandyqtan, basty nazar sol baǵytqa buryldy. Memleketimizdiń ósip-órkendeýi ol eń birinshi jastardyń qolynda ekendigin atap ótip, óziniń saılaýaldy baǵdarlamasyn usynǵan Maqpal Masaqqyzy ústimizdegi jyly kele jatqan saılaýda ár Qazaqstan Respýblıkasynyń azamaty ózine júktelgen mindet, ıaǵnı daýys berýdi óziniń memleket aldyndaǵy boryshy ekendigin umytpaýyn basa aıtty.

- Ár adam balasy qoǵamnyń damýyna ózindik úlesin qosý kerek, ıaǵnı kez kelgen isti óziniń qamy úshin emes, halyqtyń qamy úshin, bolashaqtyń qamy úshin jasasa, sonda ǵana elimiz kórkeıip, memleketimiz nyǵaıyp, halqymyz qanat jaıady, - dep qaıyrdy.

Fılıaldan shyqqannan keıin aýdannyń qurmetti azamatshalary Kemel Toqaev atyndaǵy mekteptiń qaıyrymdylyq qorynyń tóraıymy Spırıdonova Valentına Grıgorevna men aýdandyq ardagerler úıi tóraǵasynyń orynbasary Kaımýldına Shara Sadýqyzynyń shańyraqtaryna baryp, saılaýaldy baǵdarlamalarymen tanystyryp, óziniń tuǵyrnamasyndaǵy mańyzdy jobalarmen bólisti.

Sondaı-aq saılaýshylardyń suraqtaryn, tilekterin tyńdap, usynystaryn nazarǵa aldy.