«Nur Otan» partıasy óńirlerge saparyn jalǵastyrýda. Búgin Respýblıkalyq saılaýaldy shtab músheleri Batys Qazaqstan oblysyna keldi.

Óńirdiń ustazdar qaýymymen kezdesýde aldaǵy 5 jylda bilim salasyn damytýdyń negizgi basymdyqtary talqylandy.

«Bizdiń mindetimiz – muǵalim kásibiniń bedelin odan ári kóterip, ustazǵa qurmetti kúsheıtý. Endi pedagogtar jalaqysy 2 ese ósetin bolady. 2025 jylǵa qaraı 800 jańa bilim berý nysanyn salý esebinen apatty jáne úsh aýysymdy mektep máselesi sheshiledi. Sondaı-aq, shaǵyn qalalarda, aýdan ortalyqtary men aýyldarda 5 myń mektep jańǵyrtylady. Barlyq aýyldyq mektepter jyldamdyǵy joǵary ınternetpen qamtylady», - dep atap ótti Respýblıkalyq saılaýaldy shtab jetekshisi Baýyrjan Baıbek.

Budan soń bıleýshi partıa ókilderi volonterlarmen, stýdent jastarmen jáne etnomádenı birlestikter ókilderimen kezdesti. Partıa baspasóz qyzmetiniń málimetinshe, 11 jeltoqsanda ótken «Jas Otan»-nyń sezinde bastaý alǵan «Men Nur Otan-ǵa múshe bolamyn» jastar chellendjiniń aıasynda bıleýshi partıa qataryna qazirdiń ózinde 6 myńnan astam jas qazaqstandyq qosyldy.

«Elbasynyń Memlekettik baǵdarynyń sabaqtastyǵyn saqtaı otyryp, «Nur Otan» qoǵamda, ásirese jastar arasynda ózara qurmet pen barsha azamattyń teńdigi qundylyǵyn dáripteýdi jalǵastyrady. Bizdiń baǵdarlamamyzda jastardy jumyspen qamtýǵa jáne olardyń óz qabiletterin júzege asyrýy úshin jaǵdaı jasaýǵa erekshe mán berilgen. Memleket basshysy Qasym-Jomart Toqaev «Nur Otan» Sezinde atap ótkendeı, suranysqa ıe mamandyqtar boıynsha joǵary bilim alýǵa arnalǵan granttar sanyn 50%-ke ulǵaıtý josparlanyp jatyr. Jastar uıymdarynyń jobalaryn jáne volonterlik qozǵalysty damytýdy granttyq qarjylandyrý 1,5 ese ulǵaıtylady», - dedi ol.

Nazarbaev ýnıversıtetiniń úlgisimen 2 óńirlik ozyq joǵary oqý orny ashylady. Tıimsiz bilim ordalary kezeń-kezeńmen jabylady. Sonymen qatar suranysqa ıe mamandyqtar boıynsha tegin bilim alý úshin 180 kolejdiń materıaldyq-tehnıkalyq bazasyn jańartý sharalary qabyldanady.

Osy kúni saılaýaldy shtab músheleri Oral transformator zaýytynyń jumysshylarymen kezdesýde óńirdiń problemalaryn talqylady.

Partıa 5 jyl ishinde oblysta 800 km-den astam avtomobıl joldaryn jóndeý, aýyl turǵyndarynyń sýmen qamtylýyn 100%-ǵa jetkizý mindetin qoıyp otyr. Óńirde 11 jańa mektep jáne 2 mıllıon sharshy metrden asa turǵyn úı salynady. Osy arqyly áleýmettik muqtaj azamattarǵa 8 myń páter beriletin bolady.

Gaz tarıfin tómendetý boıynsha da birqatar sharalar josparlanǵan. Sonymen birge óńirde munaı-gaz-hımıa ónimderin óndirý zaýytyn salý múmkindigi qarastyrylyp jatyr. Partıa barlyq múddeli taraptarmen birlesip Jaıyq ózeniniń tartylýy máselesi boıynsha qajetti sharalardyń qolǵa alynýyna qol jetkizetin bolady.

«Nur Otan» partıasynyń saılaý qory qarajaty esebinen tólendi