«Nur Otan»-nyń Respýblıkalyq saılaýaldy shtaby Aqtóbe oblysyna keldi. Bıleýshi partıa ókilderi kúni boıy qala jáne aýyl turǵyndarymen, ónerkásiptik kásiporyndar ujymdarymen, bilim jáne densaýlyq saqtaý salasynyń ókilderimen kóptegen kezdesýler ótkizdi.

Aqtóbe qalasynyń dárigerlerimen kezdesýde densaýlyq saqtaý júıesin damytýdyń negizgi basymdyqtary talqylady.

«Nur Otan» partıasynyń negizgi basymdyqtarynyń biri – azamattardyń densaýlyǵy. Bul salany qarjylandyrý kólemi eldiń JİÓ-niń 5%-ne deıin jetkiziletin bolady. Memleket basshysy Qasym-Jomart Toqaev partıanyń saılaýaldy Sezinde atap ótkendeı, dárigerlerdiń jalaqysyn 2,5 ese ósirý josparlanýda. Sondaı-aq, bir salaǵa tereń beıimdelgen qajetti mamandardy daıarlaýǵa bólinetin granttar sany ulǵaıtylady», – dedi Respýblıkalyq saılaýaldy shtab jetekshisi Baýyrjan Baıbek.

Onyń aıtýynsha, «Nur Otan»-nyń saılaýaldy baǵdarlamamsy aıasynda aýdandyq aýrýhanalar men perzenthanalar zamanaýı tomograftarmen, rentgen apparattarymen jáne basqa da qajetti jabdyqtarmen jaraqtandyrylady. Tirek jáne seriktes aýyldarda feldsherlik-akýsherlik pýnktter men dárigerlik ambýlatorıalar ashylyp, jańǵyrtylady.

Naqty Aqtóbe oblysynda partıa konsýltatıvti-dıagnostıkalyq bólimi bar perınataldy ortalyqtyń, týberkýlez dıspanseriniń, Qarǵaly qalalyq aýrýhanasy men qalalyq balalar klınıkalyq aýrýhanasyna irgeles japsarjaılar qurylysyn aıaqtaýǵa jáne t.b. yqpal etedi.

Osy kúni «Nur Otan»-nyń ókilderi Alǵa aýdany Marjanbulaq aýylynyń turǵyndarymen kezdesti. Munda partıanyń saılaýaldy baǵdarlamasynyń aıasynda mektep salý, kóshelerdi jaryqtandyryp, sýmen qamtý júıesin keńeıtý josparlanýda.

«Búginde el azamattarynyń 40%-ten astamy aýylda turady. Biz aýyl turǵyndarynyń ómir sapasyn jaqsartý úshin bar jaǵdaıdy jasaımyz. Máselen, 5 jyl ishinde elimiz boıynsha 3,5 myń aýyldy jańǵyrtý, árbir tirek aýylǵa deıin 27 myń km jergilikti joldardy jóndeý josparlanýda. Aýyldyq jerdegi turǵyndardyń bári sýmen jáne 99% jyldamdyǵy joǵary Internetpen qamtylady. Jalpy sany 900 myńnan astam adamdy qamtıtyn 246 aýyl gazǵa qol jetkizedi», – dedi bıleýshi partıada.

«Nur Otan» baspasóz qyzmetiniń habarlaýynsha, aýyldyq mádenıet úıinde ótken kezdesý dástúrli ánshi, jyrshy-termeshi Aıgúl Elshibaeva men aıtysker Juldyz Qojabekovanyń qatysýymen shaǵyn konsertke ulasty.

«Bizdiń aýyl saılaýda 100% «Nur Otan» partıasyna daýys beretinine kepildik beremin», - dedi kezdesý qorytyndysy boıynsha ardagerler keńesiniń tóraǵasy Janat Telaǵys.

Sapar barysynda nurotandyqtar temirbeton ónimderin shyǵaratyn Aqtóbedegi «StroıDetal» zaýytyna baryp, óńirdi damytýdyń ózekti máselelerin talqylady.

Sonymen, partıa 5 jyl ishinde keminde 100 myń jumys ornyn ashýdy josparlap otyr. Óńirde 60 mektep, 43 densaýlyq saqtaý nysany salynyp, jóndeledi, 125 balabaqsha ashylady jáne t.b. oń ister atqarylady.

Ekologıany jaqsartý maqsatynda qatty turmystyq qaldyqtarǵa arnalǵan 9 polıgon salý jáne ónerkásiptik kásiporyndardy jańǵyrtý arqyly zıandy shyǵaryndylardy keminde 5%-ke tómendetý qamtamasyz etiledi.

«Nur Otan» partıasynyń saılaý qory qarajaty esebinen tólendi