Izraıldiń ǵarysh qaýipsizdigi boıynsha burynǵy basshysy AQSH pen Izraıl bógde ǵalamsharlyqtarmen baılanysta ekenin málimdedi. Onyń aıtýynsha, AQSH prezıdenti Donald Tramp bógde ǵalamsharlyqtar týraly biledi, biraq ony ashyq jarıalamaýǵa kelisken. 

Izraıldiń ǵarysh qaýipsizdiginiń burynǵy basshysy Haım Eshed jergilikti Yediot Aharonot gazetine bergen suhbatynda "Belgisiz ushatyn nysandar ózderiniń osynda ekenderin jarıalamaýdy surady, (olarǵa) adamzat áli daıyn emes" dep suhbat bergen.  

Suhbat keıin aǵylshyn tilinde Daily Post gazetinde jarıalandy. Zeınettegi ofıser kelimsekter adamzatqa qyzyǵýshylyq tanytyp, "ǵalamnyń tinin" túsinýge umtylatynyn alǵa tartty.

Ol taǵy bul týraly AQSH prezıdenti de biletinin aıtty. Izraıldiń ǵarysh qaýipsizdigi baǵdarlamasyn 30 jylǵa jýyq basqarǵan Eshed kelimsekterdiń galaktıkalyq federasıasy bar ekenin aıtty jáne "olardyń AQSH-pen yntymaqtastyǵy Marstaǵy jasyryn jerasty bazasyn qamtıdy" dep málimdedi.

"Tramp [bógde ǵalamsharlyqtar] týraly jarıalamaq boldy, biraq galaktıkalyq federasıadaǵy kelimsekter kúte turýdy jáne aldymen adamdardyń tynyshtalýyn surap otyr. Bógde ǵalamsharlyqtar jappaı ısterıany bastaǵysy kelmeıdi. Olar aldymen bizdiń túsinýimizdi kútedi" deıdi burynǵy basshy.

Eshed kelimsekterdiń isterin qupıa ustaýǵa kelisim jasasqanyn aıtty.

– Olar adamzat damyp, ǵarysh pen ǵarysh kemesiniń ne ekenin túsinetin kezeńge jetýdi kútti, – dedi Eshed.