"Vremá" gazetiniń jýrnalısi Mıhaıl Kozachkov elorda ákimi Altaı Kólginov komandasyndaǵy adamdary arqyly jeke pıarmen aınalysyp otyrǵany týraly habarlady. Pıar sqemasynyń bir ushy Kólginovtyń burynǵy baspasóz hatshysy, keńesshisi, Elorda Aqparat  JSHS basshysy Jarqyn Túsipbekuly Jumadilovqa qatysy bary anyqtalyp, ol óz erkimen qyzmetinen ketti.

Jýrnalıs Oraldan kelgen jigitter "sarapshylar kómegimen Kólginovty úkimetke "tyqpalaǵysy" kelip otyr dep sanaıdy.

"Keshe vatsapta úkimettegi yqtımal aýys-túıis týraly habarlama júrdi. "Internet Imıj" dep atalatyn áldebir qor parlament saılaýynan keıin kim, qandaı laýazymǵa baratyny týraly boljam jarıalady. Qor Altaı Seıdirulyn vıse-premer pozısıasyna jaıǵastyryp qoıypty. Aqparatty tekserip kórmek bolyp edim, áldekim qordyń saıtyn jaýyp tastaǵan. Qor artynda kim turǵanyn qazbalasaq, "Internet Imıj" Altyn Zaınýllına degen Oraldan astanaǵa (qandaı kezdeısoqtyq) qonys aýdarǵan adamǵa tirkelgenin kóremiz. Feısbýkt profılindegi avatarkada kúıeýimen túsken sýreti tur (aıtpaqshy, profıl jasyrylyp úlgergen). Esesine VK akkaýnty ashyq. Ol jerde balalarymen, qurby jáne kúıeýimen túsken sýretter kóp. Eń qyzyǵy osy jerde bastalady. Onyń kúıeýi kim dep oılaısyz? Kúıeýi taǵy bir oraldyq – Jarqyn Jumadilov. Oblys ákiminiń baspasóz hatshysy jáne keńesshisi bolǵan. Búginde Jumadilov astanalyq ákimshilikke qarasty Elorda Aqparat JSHS-ny basqarady. Qaladaǵy barlyq BAQ ishinara nemese tolyqtaı osy fırma arqyly qarjylandyrylady. Kompanıa memlekettik tapsyrystyń úlken bóligin alady. İshki saıasat basqarmasynyń ózimen ǵana 290 mıllıon teńgege jýyq somaǵa shart jasasqan. Jumadilovtyń júris-turysyna qaraǵanda, ol Kólginovtyń jaqyn adamy.

Ákimdik qarjylandyratyn keńse bar. Ony ákim adamy basqarady. Ol adamnyń áıeli ákimdi túsiniksiz reıtıńte birinshi orynǵa qoıyp, jem jeıtin pablıkterge ornalastyrýmen shuǵyldanatyn qorǵa basshylyq etedi. Endi ákim vıse-premer bolady dep sáýegeılikpen aınalysyp otyr. Oraldyqtarǵa salsań, Kólginovty prezıdenttikke deıin jetkizetin oılary bar. Bunyń barlyǵy qymbatty salyq tóleýshiler esebinen júzege asady. Bul naǵyz apat" dep jazdy jýrnalıs telegram kanalynda aıtqandaryn negizdeıtin dálelderdi keldirip.

"Internet Imıj" qorynyń basshysy Altyn Zaınýllınanyń kúıeýi Jarqyn Jumadilov qor qarjylyq operasıalarǵa qatyspaǵanyn, óziniń de boljammen baılanysy joǵyn aıta kelip, qyzmetinen óz erkimen ketip jatqanyn habarlady.