Almatyda dúkenge qarýly shabýyl jasaldy, – dep habarlady Polisia.kz.

Túngi saǵat birde Almatynyń Túrksib aýdanynda ornalasqan azyq-túlik dúkenine jasalǵan shabýyl týraly "102" basqarý púltine dabyl kelip tústi. Qalanyń jedel kezekshisi jaqyn mańdaǵy patrúldik ekıpajdy aýyr qylmys bolǵan jerge dereý baǵyttady.

– Polıseılerdi dúkende 72 jastaǵy áıel qarsy aldy. Onyń aıtýynsha, ǵımaratqa medısınalyq betperde kıgen tórt er adam kirip kelip, tapanshamen qorqytyp, ony bir ret aspanǵa atyp, aqsha suraǵan. Alaıda, olar dúkende taǵy birneshe satýshy bar ekenin kórip, qorqyp, qashyp ketken. Biraq olardyń ekeýi jasyrynyp úlgermedi. "Býran-288" patrúldik polısıa ekıpajy osy qylmysqa qatysy bar Almaty oblysy Talǵar aýdanynyń 20 jastaǵy turǵyndaryn "izin sýytpaı" ustady. Tintý barysynda kúdiktilerdiń birinen pnevmatıkalyq tapansha anyqtalyp, tárkilendi, – dedi Túrksib aýdandyq Polısıa basqarmasynyń bastyǵy Erkin Amantaev.

Ustalǵandar ýaqytsha ustaý ızolátoryna qamaldy. Shabýyldyń basqa qatysýshylarynyń jeke bastary anyqtaldy, olardy ustaý boıynsha sharalar qabyldanýda. Bul fakt Sotqa deıingi tergep-tekserýdiń biryńǵaı tizilimine QR QK-niń 192-babynyń 2-bóligi (Qaraqshylyq) boıynsha tirkeldi.