Jambyl oblysynyń ákimi Berdibek Saparbaevtyń "jalǵan" vaksınasyn jelide talqylaýda. Aımaq ákimdigi áleýmettik jeli qoldanýshylaryna Saparbaevtyń vaksına salǵan sýretine qatysty jaýap berdi.

"Keıbir jeli qoldanýshylary Jambyl oblysy ákimi Berdibek Saparbaevqa koronavırýsqa qarsy salynǵan ekpe shprısi jabyq, ıaǵnı qalpaǵy bolǵan dep kúmán keltirgen edi.

Arnaıy osy azamattar úshin basqa da ıne anyq kórinetin sapaly sýretterdi jarıalap, foto-kollaj ázirledik. Árıne, muny fotoshoppen jasalǵan dúnıe dep aıtatyndar tabylar. Qajet bolsa, fotosýretterdiń túpnusqasyn usynýǵa ázirmiz" delingen baspasóz qyzmetiniń habarlamasynda.

Oblys ákiminiń otandyq vaksınany saldyrǵan sýreti jelide taraǵanda ony kórgender "kózboıaýshlyq", "halyqty aldaý", "shprıstiń qalpaǵyn sheshý kerek" degen pikirler jazǵan edi.