3 qańtarda shet memleketterden kelgen jolaýshylardan koronavırýs ınfeksıasyn juqtyrǵan jolaýshylar anyqtalǵan joq. Bul týraly sanıtarıalyq-epıdemıologıalyq baqylaý komıteti habarlady.

3 qańtarda Qazaqstanǵa Germanıa, Maldıv Respýblıkasy, Mysyr, Túrkıa, BAÁ, Ýkraına, RF, Belarýs Respýblıkasy, Ózbekstan jáne Qyrǵyzstannan 17 halyqaralyq áýe reısi keldi.

Barlyǵy 2 375 áýe jolaýshylarynyń ishinde PTR-testi bar 1 843 adam, anyqtamasyz 532 Qazaqstan azamaty kelgen.

Onyń ishinde Almaty qalasynyń áýejaıyna – 9 reıs, 1184 jolaýshy, anyqtamamen – 1018, anyqtamasyz – 166 adam kelgen. Nur-Sultan qalasynyń áýejaıyna – 8 reıs, 1 191 jolaýshy, anyqtamamen – 825, anyqtamasyz – 366 jolaýshy kelgen.

Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisin jasatyp, karantındik stasıonarlarda óz nátıjelerin kútýde.

2021 jyldyń 2 qańtarynda anyqtamasyz kelgen barlyq 254 azamattan koronavırýs tabylmady.