«Nur Otan» partıasynyń yqpalymen árbir aýladaǵy tabystyń ósimi aldaǵy 5 jylda 2 esege jetedi. Sáıkesinshe aýyl sharýashylyǵynyń eńbek ónimdiligi de eselep artady. Partıanyń 2025 jylǵa deıingi saılaýaldy baǵdarlamasynyń basymdyqtary jaıynda  «Nur Otan» partıasynan  Jambyl oblystyq máslıhaty depýtattyǵyna kandıdattar Ǵ.Saǵyntaev, B.Seıtkarımov, D.Toqbergenov jáne Jambyl aýdandyq máslıhat depýtattyǵyna úmitkerler T.Ábdibekov pen N.Altynbekovterdiń Órnek aýylyndaǵy aýyl sharýashylyǵy ókilderimen kezdesýinde sóz boldy.

– Ózderińiz bilesizder 10 qańtarda ótetin QR Parlamenti Májilisi men barlyq deńgeıdegi máslıhattar saılaýynyń aldynda  «Nur Otan» partıasynyń kandıdattary retinde aýdan ortalyǵy men barlyq aýyldyq okrýgterdi aralap, saılaýshylarmen kezdesýler ótkizip júrmiz. Kezdesýlerde daýys berýshilerdi partıanyń aldaǵy bes jylǵa arnalǵan saılaýaldy baǵdarlamasymen tanystyramyz. Bul baǵdarlamada aýyl sharýashylyǵyn damytý baǵytynda birqatar naqty jospar bar.

Atap aıtqan partıa jańa progresıvti tehnologıalardy engizýdi tıimdi paıdalaný, óndiristerdi zamanaýı tehnıkamen, sıfrlyq tehnologıalarmen ártaraptandyrý esebinen aýyl sharýashylyǵyndaǵy eńbek ónimdiligin   ulǵaıtýdy josparlaıdy. 2025 jylǵa deıin aýyl sharýashylyǵy daqyldary egilgen alqaptyń kólemi 25 myń gektarǵa artsa, mal sany 110 myńǵa jáne qus 102 myńǵa kóbeıedi. Aýylda shaǵyn jáne orta bıznesti damytý úshin qolaıly jaǵdaı jasaý arqyly 385 jańa jumys oryny qurylyp, kásipkerlerdiń sany 225 birlikke, óndiris kólemi 807,2 mln. teńgege artpaq.

Qazirgi tańda aýyldaǵy árbir aýladaǵy tabystyń kólemi 104 myń teńge bolsa, 2025 jyly bul kórsetkish 209,1 myń teńgege deıin kóbeımek. Agrosalaǵa serpin berýdiń naqty sharalary arqyly   aýyl sharýashylyǵyndaǵy jalpy óniminiń kólemi 33,9 paıyzǵa artady, – deıdi kandıdat Ǵ.Saǵyntaev.

Kezdesý sońynda úmitkerler 10 qańtar kúni turǵyndardy saılaýǵa belsene qatysýǵa, «Nur Otan» partıasyna daýys berýge shaqyrdy.

«Nur Otan» partıasy Jambyl oblysynyń Saılaý qorynyń qarajatynan tólendi.