Golden Boy Promotions promoýterlik kompanıasynyń negizin qalaýshy Oskar De La Hoııa birinshi orta salmaqtaǵy álemniń burynǵy chempıony meksıkalyq Haıme Mýngıa (36-0, 29 KO) men orta salmaqtaǵy IBF jáne IBO bbelbeýleriniń ıegeri qazaqstandyq Gennadıı Golovkın (41-1-1, 36 KO) arasyndaǵy kezdesýdi uıymdastyrý úshin jumys istep jatqanyn rastady, dep habarlady Vesti.kz.

Buǵan deıin promoýter eki tarap kelissóz júrgizip jatqanyn aıtty. Jekpe-jek 5-mamyr kúni meksıkalyqtardyń "Sınko de Maıo" merekesi kúni ótedi. 

"Qazir biz Golovkın - Mýngıa kezdesýin uıymdastyrý úshin jumys istep jatyrmyz. Bul barlyq jankúıerlerge qyzyqty bolatyn jekpe-jek. "Sınko de Maıo" merekesinde ótedi", - dedi De La Hoııa. 

Aıta keteıik, Mýngıa sońǵy kezdesýin qazan aıynda Týreano Djonsonǵa (21-3-1, 15 KO) qarsy ótkizip, altynshy raýndta nokaýtpen jeńiske jetti. Al Golovkın bolsa jeltoqsan aıynda Kamıl Sheremetany (21-1, 5 KO) nokaýtpen jeńip, 21 ret chempıondyq belbeýin qorǵap qaldy.