Belgili sportshy Denıs Tenniń qazasyna baılanysty qozǵalǵan qylmystyq istegi aıyptalýshylardyń biri Janar Tolybaevaǵa qatysty jaza túri ózgertilip, ótelmegen merzim bas bostandyǵyn shekteý jazasyna almastyryldy. Bul týraly Tengrinews.kz saıty tilshisiniń resmı saýalyna Joǵarǵy sot apparaty joldaǵan hatta habarlanǵan.

Qylmystyq kodekstiń 73-babyna sáıkes Janar Tolybaeva ótelmegen jaza merzimin jeńil jaza túrine almastyrý boıynsha talap aryz túsirgen.

"Almaty oblysy İle aýdandyq sotynyń qaýlysyna sáıkes, 2020 jylǵy 6 qańtarda talap aryz qanaǵattandyrylǵan. Jaza merziminiń ótelýin baqylaý probasıa qyzmetine tapsyrylǵan" delingen apparat jaýabynda.

Sondaı-aq jábirlenýshi Denıs Tenniń anasy – Oksana Ten de sot aktilerin qaıta qaraý týraly talap aryz túsirgen. Alaıda Joǵarǵy sot ony qanaǵattandyrmaǵan. Oksana Ten aıyptalýshy "Janar Tolybaeva qylmysqa tikeleı qatysy bar bolýy múmkin", tipti "qylmysty jasaý kezinde jetekshi rol atqarǵan bolýy yqtımal" dep sanaıdy.

Denıs Tenniń qazasyna aıyptalǵan Arman Qudaıbergenov pen Nuraly Qıasov 18 jylǵa, Janar Tolybaeva 4 jylǵa bas bostandyǵynan aıyrylǵan edi.