Vashıngtondaǵy narazylyqtardan keıin demokrattar men isker uıymdar Donald Trampty qyzmetinen ketirýdi talap etti. Keıbir tanymal respýblıkashyldar prezıdentti "arandatýshy" dep aıyptap, ony qamaýǵa alýǵa shaqyrdy. 

Donald Tramp AQSH Kapıtolııine shabýyl jasaǵan jaqtastaryna tvıt arnaǵannan keıin Twitter men Facebook-te ýaqytsha buǵattaldy.

AQSH prezıdenti áleýmettik jelide narazylyq bildirýshilerge úıine barý týraly aıtpas buryn "Men senderdi súıemin" dep jazba jarıalaǵan. Ol sondaı-aq saılaýdaǵy alaıaqtyq týraly shaǵymdardy qaıtalady.

Twitter "azamattyq tutastyq pen saıasatty óreskel buzǵany úshin" úsh tvıtti alyp tastaýdy talap etetinin aıtty.

Kompanıa eger jazba joıylmasa, prezıdenttiń akkaýntyn birjola buǵattaıtynyn málimdedi.

Ári qaraı "Twitter erejelerin bolashaqta buzý ... @realDonaldTrump akkaýntynyń birjolata toqtatylýyna ákeledi" delingen.

Osy ýaqytta Facebook Tramp akkaýntyn 24 saǵatqa buǵattady. YouTube jaǵdaı týraly beınejazbalardy alyp tastady.