2021 jylǵy 7 qańtarda quramynda Soltústik Qazaqstan oblysynyń oblystyq jáne aýdandyq máslıhattaryna kandıdattary bar «Aýyl» Halyqtyq-demokratıalyq patrıottyq partıasynyń úgit-nasıhat toby «Azıa Tarangýl» JSHS-da boldy. Eńbek ujymymen kezdesý «Aýyldan aýylǵa» aksıasy aıasynda «Aýyl» partıasynyń óńirlik fılıalynyń basshysy Temirǵalı Ábilmájinovtiń qatysýymen ótti.

​«Azıa Tarangýl» - mal sharýashylyǵymen jáne dándi daqyldardy ósirýmen aınalysatyn óńirdegi jetekshi sharýashylyq. Kásiporyn jergilikti halyqty jumys oryndarymen qamtamasyz etedi, otandyq aýyl sharýashylyǵy ónimderin eksporttaýǵa jáne aýyldyń áleýmettik ınfraqurylymyn damytýǵa atsalysýda.

​Sharýashylyq basshysynyń aıtýynsha, «Aýyl» partıasynyń azyq-túlik qaýipsizdigi týraly zańdy qabyldaý jónindegi bastamasy óte ýaqytyly, óıtkeni sońǵy jyldary AÓK sýbektilerin memlekettik qoldaý júıesinde «turaqtylyq» uǵymy joǵalyp ketti. Jańa basshylardyń kelýimen sýbsıdıalaý erejeleri men olardy alý sharttary ózgeredi. Munyń bári uzaq merzimdi kezeńge óndiristik qyzmetti strategıalyq josparlaýǵa teris áser etedi.

​

Óńirlik fılıal tóraǵasy T.Ábilmájinovtińpikirinshe, bul másele barlyq deńgeıde oryn alýda. Arnaıy zańda partıa barlyq tikeleı jáne janama sharalardy qarastyrýdy josparlap otyr, osylaısha memlekettik ýákiletti organdar erejemen sharttardy emes, sýbsıdıalaý normatıvterin ǵana túzetetin bolady. Budan basqa, azyq-túlik qaýipsizdigi týraly Zańnyń qabyldanýy salany memlekettik retteý sharalaryn turaqtandyrýǵa múmkindik beredi.

​Kezdesýde sondaı-aq, kóktemgi egis jáne egin jınaý jumystary kezinde aýyl sharýashylyǵy tehnıkasyn jańartýdyń tómen deńgeıi jáne JJM qoljetimdiligi máseleleri aıtyldy.

Sondaı-aq, búgin QR Parlamenti Májilisiniń depýtattyǵyna úmitkerler jáne oblystyq, aýdandyq máslıhattar depýtattyǵyna kandıdattar Pavlodar, SHQO, SQO, Túrkistan oblystarynda sharýa qojalyq ujymdarymen jáne isker áıeldermen, kópbalaly analarmen kezdesýler ótkizip, partıanyń saılaýaldy baǵdarlamasyn tanystyrdy.

Pavlodar oblysy, Pavlodar aýdany, Naberejnoe aýylynda QR Parlamenti Májilisiniń depýtattyǵyna úmitker Arsútın N.G., Pavlodar oblystyq máslıhat depýtattyǵyna úmitkerler Amanjolov B.A., Toqtýshakov E.Ch., «Aýyl» HDPP qoǵamdyq birlestiginiń senimdi ókilderi Baıgýrmanov E.N., Batyrshaev A.O., Jeksenbı M.A. «Andas» sharýa qojalyǵynyń ujymymen kezdesý ótkizdi.

Túrkistan qalasynda QR Parlament májilisine úmitkerler Q.Á.Aralbekova, R.Á.Toqseıtova, B.Tólegen Túrkistan qalalyq máslıhatyna úmitker Q.K.Báımen, Qazyǵurt aýdandyq máslıhatyna úmitker S.Stybaeva isker áıeldermen jáne kópbalaly analarmen kezdesip, partıanyń saılaýaldy baǵdarlamasyn tanystyrdy jáne kópbalaly analardyń máselelerin tyńdady.

​SHQO, Glýbokoe aýdany, Praporshıkovo kentinde «Aýyl» HDPP-sy atynan oblystyq jáne aýdandyq máslıhattarǵa kandıdattar M.T.Faradjev «Mýrzykanova» SHQ-nyń ujymymen kezdesti.