Qytaılyq mıneral sý óndiretin magnat, mıllıarder Chjýn Shanshan jańa rekord ornatýda, dep habarlady Forbes.
Bloomberg Billionaires ındeksine sáıkes, Qytaıda bótelkedegi sý óndiretin Nongfu Spring Co. kompanıasynyń tóraǵasy Chjýn Shanshan qazir Coca-Cola kompanıasynyń eń iri ınvestory Ýorren Baffetke qaraǵanda baı. Óıtkeni qytaılyq magnattyń baılyǵy jyl basynan beri 13,5 mıllıard dollarǵa artyp, seısenbide 91,7 mıllıard dollarǵa jetken.
66 jastaǵy Chjýn qazir ǵalamshardaǵy altynshy dáýletti adam boldy. Nongfu aksıalary 2021 jyldyń alǵashqy eki saýda kúninde 18%-ǵa kóterilip, qyrkúıek aıyndaǵy lıstıńten bastap avansty 200%-dan joǵary deńgeıge joǵarylatty. Al sársenbide aksıalar 0,7% paıyzǵa qymbattady.
Jergilikti jerde klýbtyq bıznes-toptarǵa nemese saıasatqa aralaspaǵany úshin "Jalǵyz qasqyr" degen laqap atqa ıe bolǵan Chjýn vaksına jasaýshy Beijing Wantai Biological Pharmacy Enterprise Co. kompanıasyn sáýir aıynda menshigine aldy. Al onyń aksıalary 2800%-ǵa ósti.
