Prezıdent  Qasym-Jomart Toqaev bilim berý týraly zańǵa ózgerister engizgenin habarlady. 

"Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy", delingen resmı saıt habarlamasynda.

Zańnyń mátini baspasózde jarıalanady.

Ýchet.kz portalynyń málimetine súıensek, 29 jeltoqsanda zańda "qashyqtyqtan bilim berý" uǵymy bekitilgen.

– Jańa kezeń bilim berý júıesine jańa talaptar qoıylady. (...) Álemdi dúr silkindirgen pandemıa bizdiń elimizdi de aınalyp ótpedi. Bul birinshi kezekte bilim berý jáne densaýlyq saqtaý sektorlaryna qatysty boldy. Oqý prosesi qıyndyqtarǵa qaramastan úzdiksiz júrip jatqanyn bilesiz. Osy ýaqytqa deıin zańnamada qashyqtyqtan bilim berýdiń biryńǵaı tujyrymdamasy bolǵan joq. Endi munda "qashyqtyqtan oqytý" uǵymy naqtylanyp, ony ótkizý tártibi anyqtaldy, – dep túsindirdi senator Baqytjan Jumaǵulov 29 jeltoqsanda zań jobasyn tanystyra otyryp.

Sondaı-aq túzetýlermen qatar oqýlyqtar sapasynyń problemasyn "túbegeıli sheshý" kózdeledi.

– Ol úshin bilim berý salasyndaǵy ýákiletti organǵa úlgilik josparlardy, baǵdarlamalardy, oqýlyqtardy jáne oqý ádistemelik keshender men testileýdiń saraptamasyn berý qajet. Monıtorıńtiń arnaıy erejelerin ázirleý jáne bekitý tapsyryldy. Bul sapaly oqýlyqtar daıyndaýǵa jáne avtorlardyń jaýapkershiligin arttyrýǵa múmkindik beredi, – dep túsindirdi senator.

 Sonymen qatar, stýdentterdiń bilim jetistikterin anyqtaý úshin baqylaý týraly ereje engiziledi, bul oqýshylardyń negizgi bilim deńgeıin anyqtaıdy.

– Qazirgi ýaqytta Kásipkerlik kodeksine sáıkes túrli tekserýlerge tyıym salynǵan. Osyǵan baılanysty bilim berý sapasyn baqylaý maqsatynda barlyq mektepke deıingi uıymdardy, mektepterdi, kolejderdi bes jylda bir ret memlekettik atestattaýdyń zańnamalyq tetigi ázirlendi. Bilim berý sapasyn memlekettiń nazarynda ustaý-qoǵamdyq-saıası mańyzy bar mańyzdy qadam dep sanaımyn, – dep atap ótti Jumaǵulov.