Prezıdent Qasym-Jomart Toqaev Sriwijaya Air ushaǵy apatynan qaza bolǵandarǵa baılanysty Indonezıa prezıdenti Djoko Vıdodaǵa Qazaqstan halqynyń jáne óz atynan kóńil aıtý jedelhatyn joldady. Bul týraly Aqorda saıty málimdedi.
"Jantúrshigerlik apatta jaqyndarynan aıyrylǵan otbasylardyń aýyr qaıǵysyna ortaqpyn. Jaratýshy olardyń qaıǵylaryn jeńildetip, qazaǵa ushyraǵandardyń janyn óziniń meıirimimen jarylqasyn" delingen jedelhatta.
Eske sala keteıik, 9 qańtarda Indonezıada Sriwijaya Air áýe kompanıasyna tıesili jolaýshylar ushaǵy apatqa ushyraǵan.
Pikir qaldyrý