Parlamenti májilisi jáne máslıhattary depýtattarynyń saılaýynda daýys berýdi uıymdastyrý jáne ótkizý kezinde COVID-19 koronavırýs ınfeksıasynyń taralýynyń aldyn alý jónindegi sharalar týraly qaýly boıynsha úıde emdelýine nemese koronavırýsqa qatysty karantınde bolýyna baılanysty ózin-ózi oqshaýlaý rejımindegi saılaýshylarǵa daýys berý páterge kirmeı uıymdastyrylýǵa tıis. Bul týraly coronavirus2020.kz saıty habarlady.

Mundaı daýys berýdi baılanyssyz tásilmen, mysaly, saty alańynda (úı mańyndaǵy aýmaqta) qatysýshy daýys berýge arnalǵan búletendi jáne úı-jaıdan tys jerde daýys berý týraly ótinish tasymaldanatyn jáshikke salý arqyly ótkizýge bolady.

• daýys berýge arnalǵan búletendi alǵanǵa deıin daýys berýge qatysýshy maska taǵyp, qolyn antıseptıkpen óńdeýi tıis.
• Ýchaskelik komısıa músheleri mindetti túrde qoldaryn, tasymaldanatyn jáshiktiń betterin dezınfeksıalaýy kerek.
• Jeke qorǵanysh quraldaryn qaıta paıdalanýǵa bolmaıdy, kórsetilgen jeke qorǵanysh quraldary tyǵyz jabylatyn konteınerge nemese odan ári kádege jaratý úshin bakqa salynýy tıis.