7-10 qańtar aralyǵynda Qazaqstan Respýblıkasy Syrtqy ister mınıstrliginiń shaqyrýymen SHYU mısıasy parlament májilisiniń saılaýyna daıyndyq jáne baqylaýshylardyń 55-shi mereıtoılyq mısıasyn ótkizdi. Mısıa quramynda 15 baqylaýshy – zańnamalyq saılaý organdarynyń ókilderi akkredıtteldi. Bul týraly saılaýdy ótkizý qorytyndysyna arnalǵan brıfıńte mısıa basshysy, SHYU Bas hatshysynyń orynbasary málimdedi, dep jazady ortcom.kz saıty.

Chjan Haıchjoýdyń aıtýynsha, mısıa músheleri 118 saılaý ýchaskesine bardy. Ol prosesti uıymdastyrýǵa daıyndyq jaqsy bolǵanyn atap ótti.

– Sanıtarlyq normalardy saqtaý, múmkindigi shekteýli adamdar úshin jaǵdaılar jasalǵan, sýrdoaýdarmashylardyń kómegi qarastyrylǵan. Halyqaralyq baıqaýshylardy shaqyrý ashyqtyq pen demokratıaǵa umtylys retinde baǵalanady. Qazaqstan Respýblıkasynda azamattardyń barlyq konstıtýsıalyq quqyqtaryn teń jáne erkin júzege asyrý úshin qajetti jaǵdaılar jasalǵan. Saılaý nátıjelerine áser etýi múmkin buzýshylyqtar anyqtalǵan joq. Mısıa, eldiń zań shyǵarýshy organyn saılaý demokratıalyq Qazaqstandy odan ári damytý jolyndaǵy mańyzdy qadam boldy dep málimdeıdi. Mısıa Qazaqstan Respýblıkasynyń halqyn saılaýdyń aıaqtalýymen quttyqtaıdy jáne memlekettilikti nyǵaıtý men áleýmettik-ekonomıkalyq damý baǵytyn odan ári júzege asyrýda tabys tileıdi, – dedi SHYU baqylaýshylar mısıasynyń basshysy.

Ol sondaı-aq SİM, OSK jáne basqa da vedomstvolardyń atynan mısıa boıynsha áriptesterine, naýqandy uıymdastyrýshylarǵa rızashylyǵyn bildirdi.