İİM qazaqstandyqtarǵa aldaǵy ýaqytta aýa-raıynyń nasharlaýyna baılanysty eskertý jasap, jolda abaı bolýdy, qala syrtyndaǵy joldarǵa shyqpaýdy surady, dep habarlady Polisia.kz saıty.

12 qańtarda aýa raıynyń nasharlaýyna baılanysty Qaraǵandy jáne Soltústik Qazaqstan oblystarynyń respýblıkalyq mańyzy bar avtojoldarynda kóliktiń barlyq túrleri úshin qozǵalys tolyǵymen jabylǵan.

Sondaı-aq Aqmola jáne Qostanaı oblystaryndaǵy qala syrtyndaǵy tas joldarda Soltústik Qazaqstan oblysy baǵyty boıynsha avtomobıl qozǵalysy shektelgen.

Pavlodar oblysynda Qaraǵandy jáne Aqmola oblystaryna baratyn qozǵalys shektelgen.

Qazgıdromet" derekteri boıynsha 13 qańtarda Shyǵys Qazaqstan, Jambyl, Mańǵystaý, Pavlodar jáne Túrkistan oblystarynda aýa raıynyń nasharlaýy kútilýde.

İİM atalǵan aımaqtardyń turǵyndaryna uzaq saparǵa shyqpaýdy eskertti.

10-11 qańtar aralyǵynda elde 35 jol-kólik oqıǵasy tirkelip, 50 adam túrli dene jaraqatyn alyp, 7 adam qaıtys bolǵan.