Qazaqstannyń syrtqy ister mınıstrligi Qyrǵyzstanda 12 jastaǵy jasóspirimniń qaıtys bolǵanýyna baılanysty pikir bildirdi.

"Qazaqstandyq konsýl qaıtys bolǵan jasóspirimniń týǵan-týystarymen jáne jergilikti quqyq qorǵaý organdarymen baılanysta. Jasóspirimniń ata-anasyna barlyq qajetti konsýldyq-quqyqtyq kómek kórsetiledi. Aldyn ala málimetter boıynsha, bizdiń otandasymyz shańǵymen syrǵanaý kezinde qaýipsizdik erejelerin saqtamaý saldarynan qaıtys boldy" delingen mınıstrlik habarlamasynda.

Aıta keteıik, oqıǵa 12 qańtar shamamen saǵat 15.00-de Qyrǵystannyń Qarakól qalasynda bolǵan. Ystyqkól oblysy ishki ister mınıstrligi málimetine súıensek, 12 jastaǵy qazaqstandyq shańǵymen tómen syrǵanap kele jatqanda shyrshaǵa soǵylyp, oqıǵa ornynda kóz jumǵan.