Qazaqstandaǵy ǵylymı jobalar qazyna qarjysynan múldem qaǵylýy múmkin. Zertteý ortalyqtaryn teksergen Esep komıtetindegiler jaǵdaıdy kórip, jaǵasyn ustap otyr. Bul týraly «Qamshy» portaly  KTK arnasyna silteme jasaı otyryp habarlaıdy.

www.nur.kz portalynyń jazýynsha, bilim jáne ǵylym, Aýyl sharýashylyǵy men Investısıalyq damý mınıstrligi ǵylymı-tehnıkalyq zertteýge bólingen 51 mıllırd teńgeni ushty-kúıli joq qylǵan. Al josparlanǵan jobalar júzege aspaı, sol kúıi aıaqsyz qalypty. Sondyqtan komısıa músheleri ǵylym salasyna beriletin qyrýar qarjyny toqtatyp, ornyna balabaqsha, jataqhana salaıyq degen usynys jasaǵan.

Esep komıteti teksergen ǵylymı ortalyqtyń 90 paıyzynan zańbuzýshylyq faktileri anyqtalǵan. «Mundaı rekordtyq kórsetkishti eshbir memlekettik organnan kórgen joqpyz» deıdi komısıa músheleri.

Esep komıteti tekseris júrgizgen úsh mınıstrlik boıynsha búdjettik zańbuzýshylyqtyń barlyq sommasy 51 mıllıard teńgenyń qurap otyr. Bul týraly Esept komıtetiniń múshesi Sovhozbek Qulmaǵambetov málimdegen.

Qara tizimdi Bilim mınıstrligi bastap tur. Ǵylymı zertteýlerge birden bir jaýapty vedomstvoǵa ushty-kúıli joǵalǵan qarjynyń 37 mıllıardy tıesili eken.

Mınıstrlikke qarasty ǵylymı ortalyqtarda 86 joba óndiriske túspek túgili múldem toqtap qalǵan. Ony sheneýnikterdiń ózderi de moınydap otyr.

“My prıznaem, poetomý vot te ızmenenıa, kotorye my vnosım v zakonodatelstvo dlá togo, chtoby ne bylo takogo. 10 mıllıard 200 mıllıon teńgeni búdjetke kim qaıtarady?”, – deıdi Bilim jáne ǵylym vıse-mınıstri Esenǵazy Imanǵalıev.

Bilim mınıstrligindegi bylyq munymen shektelmeıdi. Ǵylymı keńes músheleriniń qylyǵy múldem kúlkili. Mundaǵylar memleketten grant bólinetin 41 ǵylymı jobany ózara bólip alyp, maı shelpekke aınaldyrǵan.

“Qarjylandyrýdyń talaby boıynsha mekeme basshysy kóp degende eki jobaǵa jetekshilik ete alady. Al sizderdegi Merýert Qýatqyzy ǵylymı keńeske múshesi bola tura úsh jobany ıelenip alǵan. Sonda ózderińiz maquldaısyzdar, óz-ózderińizge esep beresizder me?”, – deıdi Esep komıtetiniń tóraǵasy Qozykórpesh Jańbyrshın.

Aýyl sharýashylyǵy men Investısıalyq damý mınıstrliginde de dál osylaı josparlanǵan ondaǵan ǵylymı joba aıaqsyz qalǵan.

“Prezıdent govorıl aqsha jetpeı jatyr, krızıs. Vy búdjetnymı sredstvamı raspredeláetes kak, ıa ne znaıý… daje svoımı sobstvennymı dengamı tak ne raspredeláetes…”, – deıdi Esep komıtetiniń tóraǵasy Qozykórpesh Jańbyrshın.

Sondyqtan, Esep komıtetindegiler jyl saıyn qazynanyń mıllıardtaryn esh paıdasy joq ǵylymı jobalarǵa quıǵansha, jurtqa jataqhana, baspana, balabaqsha salýǵa jumsaýdy usyndy.

Al qazyna qarjysyn negizsiz jumsaǵandardyń aty-jónin resmı saıttaryna jarıalap, jurtqa masqara qylamyz dep otyr. Árıne, qara tizim Aqorda men quzyrly organdarǵa da jiberiledi.